2 Pallas

De Uiquipedia
Saltar a: navegación, buscar

2 Pallas ye'l segundu mayor asteroide del cinturón d'asteroides. La so órbita ta asitiada na parte central del cinturón pero resulta dalgo enclinada y escéntrica pa un asteroide grande. La composición de Palas ye única pero asemeyada abondo a la de los asteroides de tipu C.

Palas foi'l primer asteriode descubiertu tres 1 Ceres. Foi alcontráu por Heinrich Wilhelm Olbers el 28 de marzu de 1802, mentes realizaba observaciones pa llocalizar y determinar la órbita de 1 Ceres, usando les predicciones del gran matemáticu Carl Friedrich Gauss. Olbers bautizólu asina n'honor a Palas, diosa griega de la sabiduría.

Estudios sobre Pallas[editar | editar la fonte]

Pallas foi observáu ocultando una estrella delles vegaes. Midiciones cuidadoses de los tiempos d'ocultación aidaron a da-y un diámetru precisu.

Na ocultación del 29 de mayu de 1979 informóse de la descubrición d'un posible satélite perpequeñu con un diámetru de 1 km. D'otra miente, nun ta confirmáu.

Basándose na interferometría de moteáu, en 1980 informóse d'un satélite muncho mayor con un diámetru de 175 km. La so esistencia foi posteriormente refutada ([1]).

Si la misión Dawn tien ésitu estudiando a 1 Ceres y 4 Vesta, podría ser estendida pa cubrir a Pallas.

Curiosidaes[editar | editar la fonte]

L'elementu químicu paladiu (númberu atómicu 46) foi bautizáu asina n'honor al asteroide Pallas.

Enllaces esternos[editar | editar la fonte]

Ver tamién[editar | editar la fonte]