Éacu

De Uiquipedia
Saltar a: navegación, buscar
Mitoloxía Griega
Esti artículu forma parte de la serie
Mitoloxía Griega
Dioses

Divinidaes primordiales
Dioses ctónicos
Titanes
Dioses olímpicos
Divinidaes alegóriques
Ninfas, Semidioses y Criatures

Elencos

Personaxes

Tamién

Xenealoxía
Equivalencies cola Mitoloxía romana
Xeografía


Éacu ye na mitoloxía griega'l fíu de Zeus y de la ninfa Aegina (Exina); la so ma dio nome a la islla homónima cuando ella foi llevada ellí por Zeus pa salvala de los celos destructores d'Hera.

Yera tan xustu y piadosu que ganó tal fama que dende tola Grecia acudíen pa pidi-y aída; yeren tales les sos virtúes que Zeus probó pa facelu inmortal pero les Parques nun-y lo permitieron; por embargo Zeus fixo que'l so fíu fuera ún de los tres xueces del Hades; concretamente, él xulgaba les ánimes de los helenos (europeos); los otros dos xueces yeren Radamantis y Minos.

Ente los llogros de la so piedá rescampla que, gracies a los sos ruegos, llogró que Zeus convirtiera n'homes les formigues que, en forma de plaga, Hera unvió pa castigar al reinu del fíu bastardu del so home. Estes formigues convirtieronse nos Mirmidones, que na Guerra de Troya sedríen los soldaos d'Aquiles. Tamién foi, Éacu, quien construyó les grandioses muries de Troya pal rei Laomedonte.

Tuvo un fíu, Phocus (Focu) cola ninfa Psamate; esti foi asesináu polos sos fíos Telamón y Peléu, so la incitación de la so ma; cuando Psamate enteróse de la muerte de Phocus, tresformóse en lloba y acabó col ganáu de la islla d'Exina.

Éacu foi l'ancestru de la mena de los Eacidas, que tien como figura más afamada a Alexandru Magno, que lo yera por vía materna.