Álvaro Cuesta
Álvaro Cuesta Martínez (Uviéu, 28 de xunu de 1955) Abogáu y políticu asturianu, diputáu del PSOE nel Congresu.
Llicenciáu en Derechu pola Universidá d'Uviéu. Obtuvo el títulu d'especialista en Derechu Comunitariu pol Centru d'Estudios Europeos de la Universidá d'Alcalá de Henares. Ta en posesión, dende 1995, de la Gran Cruz de San Raimundo de Peñafort. Afiliáu al PSOE dende 1974, ye Diputáu dende les elecciones xenerales del 28 d'ochobre de 1982 por Asturies. Asinamismo nel periodu 1995 - 1999 foi Conceyal n'Uviéu depués de perder les elecciones pa l'Alcaldía por 39 puntos menos que Gabino de Lorenzo.
Foi miembru activu en distintes Comisiones Parlamentaries y, dende 2004 preside la Comisión de Xusticia del Congresu de los Diputaos. Dende l'año 2000 ye miembru de la Comisión Executiva Federal del PSOE, como Secretariu de Política Municipal y Llibertaes Públiques y dexde 2008 Secretariu executivu de Llibertaes Públiques y Derechos de Ciudadanía. A nivel internacional foi miembru de l'Asamblea Parlamentaria del Conseyu d'Europa y de la de la OTAN. Nel so llabor como diputáu intervino na ellaboración de los proyectos de llei de carácter xurídicu-procedimental, mercantil y d'alministración local y foi portavoz del Grupu Parlamentariu Socialista na Comisión d'investigación de los atentaos del 11 de marzu de 2004.
Presentóse como cabeza de lista por Asturies nes elecciones xenerales de 2004 y 2008. En 2004, foi derrotaú por Alicia Castro Masaveu (PP) por 8.000 votos. En 2008 el so contrincante foi Gabino de Lorenzo, alcalde d'Uviéu dende 1991 al que derrotó en 1995. Ensin embargo, nesta ocasión el derrotáu foi Gabino por 37.904 votos rompiendo la racha ganadora del PP n'Asturies dende 1996 nunes elecciones xenerales.
[editar] Fuentes
- Diariu El País, entrevista publicada el 8 de payares de 2004.
- Ficha biográfica en El Socialista.
- Ficha biográfica na páxina web del PSOE.
- |Álvaro Cuesta nel Congresu de los Diputaos (ficha personal)
