Caparina

Caparina
Clasificación científica
Reinu:	Animalia
Filu:	Arthropoda
Clas:	Insecta
Orde:	Lepidoptera
Suborde:	Glossata
Infraorde:	Heteroneura
Seición:	Ditrysia
(ensin clasif.):	Rhopalorocera
Families
Ver testu
Consultes
[editar datos en Wikidata]

La caparina, tamién llamada pumarina, pumariella, palombina, papona, pollarina y munchos nomes más, ye un inseutu volador diurnu del orde Lepidóptera. Les pumarines nocheriegues llámense políes (tamién con munchos otros nomes).

Les pieces bucales tresformáronse en trompes que s'arrolliquen nuna espiral. Tien seis pates y cuatro ales. Estes tán adornaes con dibuxos, en dellos casos, bien colloríos.

Delles caparines nocherniegues nin siquier tienen aparatu bucal n'estáu adultu, aliméntense namás n'estáu de canesba, la so única misión ye reproducise y darréu muerren.

El colloríu les ales débese a efeutos ópticos de les escames que les cubren.

Ciclu de vida

Vanessa cardui

Toles pumarines pasen per un ciclu complexu nomáu metamorfosis.

Nacen en güevos que ponen les femes. Cuando nacen son beleses que comen vorazmente y xorrecen.

Les beleses de pumarina son llamaes tamién gates o Canesbes y son bien diferentes de les beleses d'otros inseutos.

Nun momentu del so desendolcu, la gata guáriase dientro d'un capullu y ellí tresfórmase en crisálida, nesti estáu come y esperimenta camudamientos metabólicos y morfolóxicos, volviéndose una pumarina adulta.

Tres de la fecundación, la fema pon varios cientos o miles de güevos.

Taxonomía

El cladu Rhopalocera inclúi les siguientes families:

• Superfamilia Papilionoidea

Familia Hesperiidae

Familia Hedylidae

Familia Papilionidae

Familia Pieridae

Familia Lycaenidae

Familia Riodinidae

Familia Nymphalidae

Familia Hesperiidae

Familia Hedylidae

Enllaces esternos

• Semeyes de pumarines
• Les Pumarines d'Asturies
• F. Nemos: Europas bekannteste Schmetterlinge. Beschreibung der wichtigsten Arten und Anleitung zur Kenntnis und zum Sammeln der Schmetterlinge und Raupen. Oestergaard Verlag, Berlin, ca. 1895, http://hdl.handle.net/10013/epic.28790.d001 (pdf, 77 MB).

• Wikcionariu tien definiciones y otra información tocante a caparina.

• Wikimedia Commons tien conteníu multimedia tocante a caparina.

• Datos: Q65297015