Yolanda de Xerusalén

De Wikipedia
Saltar a navegación Saltar a la gueta
Yolanda de Xerusalén
Matrimonio isabella.jpg
Llista de reis de Xerusalén

Vida
Nacimientu San Xuan d'Acreabril  1212[[(Gregorianu)]]
Nacionalidá Reino de Jerusalén
Fallecimientu

Andría25  d'abril de 1228

(15/16 años)
Sepultura Catedral de la Asunción de Santa María Traducir
Causa de la muerte trastorno puerperal Traducir
Familia
Padre Juan de Brienne
Madre María de Montferrato
Casáu/ada con Federico II Hohenstaufen  (16 payares 1225 (Gregorianu) -  2 mayu 1228 (Gregorianu))
Fíos/es
Hermanos/es
Pueblu House of Brienne Traducir
Oficiu
Oficiu política
Cambiar los datos en Wikidata

Yolanda de Brienne (abril  1212[[(Gregorianu)]], San Xuan d'Acre - 25  d'abril de 1228Andría), tamién conocida como Isabela II de Xerusalén, foi una princesa d'orixe francés que se convirtió en reina de Xerusalén. Asocedió a la so madre, María de Montferrato, cuando esta morrió al poco tiempu de da-y lluz.

Reina neña[editar | editar la fonte]

Yolanda nació en Andria, Italia, fía única de María de Montferrato, reina de Xerusalén, y de Juan de Brienne. María yera la fía de la reina Isabel de Xerusalén del so segundu home Conrado I, y heredera, a la muerte de la so madre, del reinu de Xerusalén. María morrió pocu dempués de dala a lluz, posiblemente por fiebre puerperal. Por cuenta de esto, Yolanda foi proclamada reina de Xerusalén cuando namái tenía unos díes d'edá. Por cuenta de que'l so padre Juan nun tenía una pretensión direuta al tronu, él gobernó como rexente hasta'l so matrimoniu.

Matrimoniu con Federico II[editar | editar la fonte]

Matrimoniu de Yolanda de Xerusalén con Federico II.

Yolanda casóse con Federico II Hohenstaufen, emperador del Sacru Imperiu, el 9 de payares de 1225, quien s'implicara na Quinta Cruzada, unviando tropes dende Alemaña, pero nun consiguió acompañar al exércitu direutamente, a pesar de que lo afalaben a ello los papes Honorio III y más tarde Gregorio IX, pos precisaba consolidar la so posición n'Alemaña ya Italia antes d'embarcase nuna cruzada. Sicasí, Federico de nuevu prometió dir a la cruzada dempués de la so coronación como Sacru emperador Romanu en 1220 por Honorio III.

Mientres una xunta ente Juan de Brienne, el papa Honorio III y Federico II na ciudá de Ferentino en 1223, el destín de Yolanda quedó decidíu: Federico aceptó finalmente dir a la cruzada, pero namái como rei lexítimu de Xerusalén, y esto namái yera posible si casar cola reina Yolanda; aquel día Federico yera viudu. Este foi un plan del papa, quien esperaba que con esti enllaz comprometería firmemente al emperador na quinta cruzada. El compromisu quedó confirmáu, pero l'emperador entá retrasó la so partida hasta agostu de 1225, cuando él y Yolanda quedaron casaos por poder na ciudá d'Acre. Díes dempués, Yolanda foi coronada como Reina de Xerusalén.

La reina agora coronada foi unviada a Italia y casóse en persona con Federico II na catedral de Brindisi, el 9 de payares de 1225. Na ceremonia, proclamóse como rey Federico de Xerusalén. Darréu Federico II procuró qu'el so suegru, Juan de Brienne, hasta entós rexente, fora quitáu del cargu y los sos derechos tresferíos a él. A pesar del so nuevu cargu como rei de Xerusalén, Federico II siguió tomándose'l so tiempu pa ponese en marcha, y en 1227, foi escomulgáu pol papa Gregorio IX por non cumplir con honor el so votu de cruzáu.

Muerte[editar | editar la fonte]

Dempués de la boda, Yolanda foi recluyida pol so maríu. Pasó'l so tiempu nel harén de Federico en Palermo. En payares de 1226 dio a lluz al so primer fíu, una neña (a la que delles fontes llamen Margarita) que morrió n'agostu de 1227.

Federico finalmente zarpó de Brindisi el 8 de setiembre de 1227 escontra Xerusalén pero careció en Otranto, onde Lluis IV, landgrave de Turingia, fuera lleváu a tierra. Federico retardó'l viaxe mientres se recuperaba. Mentanto, Yolanda morrió dempués de dar a lluz al so segundu fíu, un neñu, Conrado, en Andria, Bari, el 25 d'abril de 1228. Ta soterrada na catedral de Andria. Federico finalmente embarcó pa Xerusalén el 28 de xunu.

Federico II reclamó'l reinu de Xerusalén a la muerte de la so esposa. Anque se coronó a sigo mesmu como rei de Xerusalén na Ilesia del Santu Sepulcru'l 18 de marzu de 1229, gobernó como rexente en nome del so fíu, estableciendo una tregua colos musulmanes en 1229 mientres la Sesta Cruzada.

Ancestros[editar | editar la fonte]

Referencies[editar | editar la fonte]

Enllaces esternos[editar | editar la fonte]


Predecesor:
Constanza d'Aragón
Emperatriz del Sacru Imperiu
y
Reina consorte d'Alemaña

9 de payares de 1225 - 25 d'abril de 1228
Socesor:
Isabel d'Inglaterra
Predecesor:
María
Armoiries de Jérusalem.svg
Reina de Xerusalén

1212 - 1228
Socesor:
Conrado II
Predecesor:
Constanza d'Aragón
Reina consorte de Sicilia
1225 - 1228
Socesor:
Isabel d'Inglaterra




Yolanda de Xerusalén