Xuramentu olímpicu
El xuramentu olímpicu ye emprestáu por un atleta mientres la ceremonia d'apertura de los Xuegos Olímpicos.
L'atleta, del equipu del país organizador, sostién nuna esquina la bandera Olímpica mientres llee'l xuramentu, diz:
- En nome de tolos competidores, prometo que vamos participar nestos Xuegos Olímpicos, cumpliendo y respetando colos sos reglamentos, comprometiéndonos a un deporte ensin dopaxe y ensin drogues, con verdaderu espíritu deportivu, pola gloria del deporte y l'honor de los nuesos equipos.[1]
El xuez, tamién del país organizador, diz daqué asemeyáu, pero afechu al so cometíu:
- En nome de tolos xueces, árbitros y personal oficial, prometo que vamos oficiar estos Xuegos Olímpicos ensin prexuicios, respetando y ateniéndonos a les regles que los gobiernen con verdaderu espíritu deportvo.[2]
L'entrenador tamién fai usu del so propiu xuramentu, esti llevase a cabu dende Londres 2012:
- En nome de toso los entrenadores y miembros d'esta comitiva d'atletes, prometo que vamos comprometer a asegurar que l'espíritu deportivu y el xuegu llimpiu sían dafechu respetaos en conformidá colos principios fundamentales de los Xuegos Olímpicos.[3]
Historia[editar | editar la fonte]
El Xuramentu Olímpicu, escritu por Pierre de Coubertin, foi emprestáu por un atleta per primer vegada nos Xuegos Olímpicos d'Amberes 1920. Tocantes a los xueces, el so primer xuramentu tuvo llugar nos Xuegos Olímpicos de Múnich 1972.
El testu del xuramentu camudó llixeramente a lo llargo de los años. El xuramentu emprestáu por Victor Boin en 1920 diz asina:
- Xuramos que vamos tomar parte nos Xuegos Olímpicos con un espíritu de caballerosidad, pol honor del nuesu país y pola gloria del deporte.
Darréu camudóse "xurar" por "prometer" y "país" per "equipu". La parte que concierne al dopaxe foi añedida nos Xuegos Olímpicos de Sydney 2000.
Referencies[editar | editar la fonte]
- ↑ Juramentos en español Juegos Olímpicos Méxicu 1968 | https://www.youtube.com/watch?v=FTUJ7FPwp3c
- ↑ Juramentos en español Juegos Olímpicos Barcelona 1992 | https://www.youtube.com/watch?v=4VbU5CSVyrA
- ↑ Juramento Traducido al español | http://elmarcadordejmsurroca.blogspot.mx/2013/10/apuntes-sobre-el-juramento-olimpico.html
| Control d'autoridaes |
|
|---|
Datos: Q210157