Xigantismu
| Xigantismu | ||
|---|---|---|
 La xiganta Anna Haining Swan colos sos padres | ||
| Clasificación y recursos esternos | ||
| CIE-10 | E22.0, E34.4 | |
| CIE-9 | 253.0 | |
| CIAP-2 | T99 | |
| MedlinePlus | 001174 | |
| Especialidá | Endocrinoloxía | |
 Avisu médicu | ||
| [editar datos en Wikidata] | ||
El xigantismu ye una enfermedá hormonal causada pola escesiva secreción de la hormona de la crecedera (somatotropina), mientres la edá de la crecedera, primero que se cierre la epífisis del güesu. Si asocede dempués, recibe'l nome d'acromegalia.
El xigantismu ye la crecedera escomanada, cuantimás de brazos y piernes, causáu por un mal funcionamientu de la glándula hipófisis, acompañáu de la correspondiente crecedera n'estatura de tol cuerpu. Cuando apaez na infancia primero que la osificación normal rematara, el so orixe suel tar nuna sobreproducción de la hormona de la crecedera per parte de la hipófisis anterior. Los defectos hereditarios que torguen la osificación normal mientres la pubertá dexen que la crecedera siga, lo que produz xigantismu. Por cuenta de que la hormona de la crecedera mengua la capacidá de secreción de les gónaes, el xigantismu suel tar acompañáu del debilitamientu de les funciones sexuales y recibe entós el nome de xigantismu eunucoidéu, que se caracteriza por una figura desproporcionada, con brazos y piernes demasiáu llongures. Sicasí, el xigantismu proporcionáu nun suel incluyir estes alteraciones sexuales.[1] La mayoría d'individuos afeutaos por cualesquier tipu de xigantismu presenten debilidá muscular y problemes vasculares nes piernes los más altos.
Ver tamién[editar | editar la fonte]
Referencies[editar | editar la fonte]
Enllaces esternos[editar | editar la fonte]
Wikimedia Commons acueye conteníu multimedia sobre Xigantismu.
