Xardín zen
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Un xardín zen (en xaponés: 枯山水 (Karesansui)) ye un estilu de xardín roca xaponés que consiste nun campu de sable poco fondu y que contién sable, grava, roques y davezu yerba y otros elementos naturales. Empléguense como xeitu de meditación polos monxos Zen xaponeses.
El Karensaui del Templu de Ryoan-ji
[editar | editar la fonte]El xardín Zen más famosu alcuéntrase nel templu de Ryoan-ji, que s'alluga pal noroeste de Kyoto. El xardín de roca añadíose al templu pa finales del sieglu XV, col envís de proveer d'un llugar a los monxos pa la so meditación. Dizse[¿quién?] qu'esti xardín tien un efeutu tranquilizador.
Diseñu
[editar | editar la fonte]Hai munches interpretaciones pa esplicar la composición d'un xardín Zen. Dalgunes d'estes interpretaciones son:
- La grava representa l'océanu y les roques representen les islles de Xapón.
- Les roques representen a la tigresa colos sos cachorros, nalando pa un dragón.
- Les roques formen parte del kanji, de significáu "corazón" o "mente".
Una explicación reciente pa los investigadores Gert van Tonder de la Universidá de Kyoto y Michael J. Lyons del Llaboratoriu d'Intelixencia Robótica y Comunicaciones ATR diz que les roques formen un mensaxe subliminal d'un árbol. Esta imaxe nun puede ser percibida conscientemente cuando se la mira; si qu'asina, los investigadores camientan que'l subsconciente ye pa percibir la sutil asociación nes piedres y creyen que ye'l responsable del efeutu tranquilizador d'esti tipu de xardinos.
Adautación al diseñu del entornu
[editar | editar la fonte]El conceutu de diseñu del haresansui adautóse a la creación d'un entornu más natural, como por exemplu, un pequeñu xardín Zen que forma parte del Xardín de Té xaponés del Parque Golden Gate de San Francisco.
Critiques
[editar | editar la fonte]El conceutu de xardín Zen ta consideráu un mitu por munchos xardineros xaponeses y por espertos budistes, asina como otros.[¿quién?][ensin referencies] Camientan que ye una creación occidental de finales del sieglu venti que nun tien nada que ver cola xardinería xaponesa. El «karesansui» o «xardín ensuchu» nun ye, de nengún xeitu, estéticamente estremáu de los xardinos que s'atopan al llau de los templos Zen. Los xardinos ensuchos pueden atopase fuera de cases, restaurantes y posaes.
De la mesma forma, los xardinos averaos pa los templos Zen apaecen en dellos estilos, y los xardinos ensuchos ye ún d'esos tipos.
El términu «xardín Zen» apaez nun llibru llamáu One Hundred Kyoto Gardens espublizáu en 1935, escritu n'inglés por Loraine Kuck. El primer emplegu nel idioma xaponés d'esti términu, nun apaeció espublizáu sinón hasta 1958. D'esto puede deducise que dalgunos estudiantes xaponeses de la posguerra, cenciellamente siguierun un exemplu occidental, aludiendo al lluxosu conceutu de «xardín Zen» porque los estranxeros yá fomentaran y celebraran el so usu.
El llibru de Wybe Kuiterts, Themes, Scenes & Taste in the History of Japanese Garden Art, asoleyáu en 1988 propón un argumentu en contra de la correllación ente Zen y karesansui:
Kuck entemez la so interpretación históricamente determinada (sieglu XX) cola d'un vieyu xardín proveniente d'un contestu cultural davezu estremáu. Estu fai la so interpretación inválida (el xardín medieval), atopó'l so llugar nos templos Zen y nos llares de guerreros porque ameyoraba'l so entornu cultural. Ye de cuestionase que na so apreciación yera una emoción relixosa, anantias qu'una apreciación pol xeitu.Wybe Kuiterts
Kuiterts tamién define correutamente un xardín Zen dende una perspeutiva budista: «(d'alcuerdu a Dogen) el meyor xardín pa representar la Doctrina de Buda sería la nada. A lo menos, nun sería un xardín estéticamente agradable qu'acabaría por distrayer la busca verdadera de la Illuminación».
Kuiterts espón más crítiques al traducir los comentarios d'un monxu, na era de Muromachi, en Toh-ji: «La xente que prautica Zen, nun debería construyir xardinos. Na sutra diz que Bodhisattva Makatsu, quien deseaba meditar, primeru debaló la mundana vida de facer negocios y xenerar riqueces, asina como debaló la xera de collechar vexetales…»
La creyencia de que los monxos Zen emplegaben los xardinos pa meditar ye contradictoriu al fechu de que los monxos Zen, en Xapón, cuasique siempres mediten n'interiores, mirando pa una muria (Soto Zen) o pal centru del cuartu (Rinzai Zen), enxamás mirando pa esteriores. Las fotos de monxos xaponeses cavilgando en xardinos ensuchos son eventos preparaos.
Alvertencia al llector
[editar | editar la fonte]Los comentarios críticos enriba dichos asumen una interpretación enforma lliteral d'un xardín Zen. El términu refierse al fechu de qu'esti estilu de xardín desendolcóse nos templos del Rinzai Zen con dalgunos de los diseñadores con mayor impautu históricu, como Muso Soseki y Soami, quienes yeren monxos o prauticaben el Zen. Amás, l'estilu de los xardinos Zen tradicionales, desendolcóse nuna dómina de la historia xaponesa onde las práutiques culturales asociábanse col Budismu Zen y cada vegada esta práutica relixosa influyía más nel arte, por exemplu na caligrafía y na pintura de paisaxes. Esta influyencia xorreció enormemente na cultura xaponesa y ye poro qu'esti estilu de xardinería, la cuala sí orixinóse nos templos Zen, puede atopase en casa, negocios y restaurantes.
Hai una bayura d'opiniones nel valir d'estos xardinos con respeutu a la práutica budista, si qu'asina ye incorreutu negar que'l so desendolcu está cercanamente asociáu a los templos del Rinzai Sin, particularmente a los grandes complexos relixosos de Kyoto.
Ver tamién
[editar | editar la fonte]- Ryōan-ji, un análisis matemáticu de un xardín de roca.
Referencies
[editar | editar la fonte]Enllaces esternos
[editar | editar la fonte]
Wikimedia Commons acueye conteníu multimedia sobre Xardín zen.
Datos: Q244226- Multimedia: Zen gardens