Wolof

De Wikipedia
Saltar a navegación Saltar a la gueta
Wolof
Faláu en
Faláu en Mauritania, Senegal y Gambia
Númberu de falantes
Falantes Tipu Añu
3 700 0003 700 000
Datos
Familia Llingües senegambianes
Sistema d'escritura alfabetu llatín, alfabetu árabe y Wolofal script (en) Traducir
Códigos
ISO 639-1 wo
ISO 639-2 wol
ISO 639-3 wol
Mapa de distribución Wolof, gambian wolof.svg
Cambiar los datos en Wikidata

L'idioma wolof ye una llingua falada en Senegal, Gambia y Mauritania y ye la llingua nativa de la etnia wolof. Fálenla tres millones de persones.

Distribución xeográfica[editar | editar la fonte]

Alredor del 40% (unos 3.2 millones de persones) de la población de Senegal fala wolof como llingua materna. Otru 40% tienla como segunda llingua. En tola rexón ente Dakar y Saint-Louis, y tamién al oeste y suroeste de Kaolack, la mayor parte de la población fala wolof. En Casamance y nel oeste de Senegal, emplégase en xunto col mandinka y el diola. L'idioma oficial de Senegal ye'l francés.

En Gambia'l 15% de la población (unes 200.000 persones) tien el wolof como llingua materna, pero esta llingua tien una influyencia mayor enforma pola so importancia na capital, Banjul, ú'l 50% de la población lu emplega como la so primera llingua. En Serrekunda, la ciudá más grande de Gambia, hai unes poques persones d'etnia wolof, pero l'idioma fálalu alredor del 90% de la población. Cada vegada más, la mocedá d'otru orixe étnicu emplégala como primera llingua.

En Mauritania, alredor d'un 7% (unes 185.000 persones) de la población fala wolof. Nesti país, l'idioma úsase solo nes rexones costeres del sur. L'idioma oficial de Mauritania ye l'árabe; el francés fai de llingua franca.