Vivianita

De Wikipedia
Saltar a navegación Saltar a la gueta

La vivianita ye un mineral de la clase de los minerales fosfatos, y dientro d'esta pertenez al llamáu “grupu de la vivianita”. Foi afayada en 1817 en Cornualles (Inglaterra), siendo nomada asina n'honor de John H. Vivian, políticu inglés y mineralogista que lo afayó. Sinónimos pocu usaos son: glaucosiderita, mullicita y "azul-prusia nativu".

Vivianita

Característiques químiques[editar | editar la fonte]

Ye un fosfatu de fierro hidratáu, ensin aniones adicionales. El grupu de la vivianita al que pertenez son toos fosfatos o arseniatos con un metal y ocho molécules d'agua que cristalicen toos en sistema monoclínico, dimorfu del grupu de la simplesita con igual fórmula química pero en triclínico.

Cuando ta acabante estrayer esti mineral puede ser incoloru o casi, pero una vegada estrayíu aferrúñase la Fe2+ a Fe3+, adquriendo una coloración azul escuru a azul verde.[1]

Amás de los elementos de la so fórmula, suel llevar como impureces: manganesu, magnesiu y calciu.

Formación y xacimientos[editar | editar la fonte]

Apaez como mineral secundariu común na zona d'oxidación de xacimientos de minerales metálicos, en pegmatitas de tipu granitu conteniendo fosfatos, acomuñáu a materiales orgánicos reemplazando a éstos en fósiles, o en magres aluviales.

Sueli atopase acomuñáu a otros minerales como: metavivianita, ludlamita, pirita, pirrotita, siderita, santaclaraíta o limonita.

Usos[editar | editar la fonte]

Pue ser estrayíu al pie de otros minerales metálicos colos qu'apaez como mena bien secundaria del fierro.

Dellos raros exemplares tresparentes pueden ser usaos como xemes de valor en xoyería.[2]

Referencies[editar | editar la fonte]