Saltar al conteníu

Villamayor de Treviño

Coordenaes: 42°27′34″N 4°07′11″W / 42.459444444444°N 4.1197222222222°O / 42.459444444444; -4.1197222222222
De Wikipedia
Villamayor de Treviño
Alministración
País España
Autonomía Castiella y Lleón
Provincia provincia de Burgos
Partíu xudicial Burgos
Tipu d'entidá conceyu d'España
Alcalde de Villamayor de Treviño (es) Traducir José Carmelo Alonso Pérez
Nome oficial Villamayor de Treviño (es)[1]
Códigu postal 09128
Xeografía
Coordenaes 42°27′34″N 4°07′11″W / 42.459444444444°N 4.1197222222222°O / 42.459444444444; -4.1197222222222
Villamayor de Treviño alcuéntrase n'España
Villamayor de Treviño
Villamayor de Treviño
Villamayor de Treviño (España)
Superficie 20.726 km²
Altitú 822 m
Llenda con Sasamón, Grijalba, Padilla de Arriba, Melgar de Fernamental, Sotresgudo, Villadiego y Sordillos
Demografía
Población 59 hab. (2023)
- 32 homes (2019)

- 31 muyeres (2019)
Porcentaxe 0.02% de provincia de Burgos
0% de Castiella y Lleón
0% de España
Densidá 2,85 hab/km²
Más información
Estaya horaria UTC+01:00
xn--villamayordetrevio-30b.es
Cambiar los datos en Wikidata

Villamayor de Treviño ye una llocalidá y un conceyu[2] asitiaos na provincia de Burgos, Castiella la Vieya, na comunidá autónoma de Castiella y Llión (España), contorna d'Odra-Pisuerga, partíu xudicial de Burgos, cabecera del conceyu del so nome.

Xeografía[editar | editar la fonte]

Llocalidá asitiada xunto al ríu Odra, a 43 quilómetros de Burgos, nel centru-oeste de la provincia del mesmu nome. Falta 11 quilómetros de Villadiego, 11 de Sasamón y 12 de Melgar de Fernamental.

Tien forma allargada pos foi creciendo en redol a la Cai Real[3] y a la carretera Villadiego–Melgar de Fernamental.

Datos xenerales[editar | editar la fonte]

Tien un área de 20,73 km² con una población de 94 habitantes (INE 2007) y una densidá de 4,53 hab/km².

Demografía[editar | editar la fonte]

La población foi menguando a lo llargo de los años, dende los 303 habitantes de 1900 a los 94 que tien na actualidá.

Evolución demográfica
1991 1996 2001 2004 2013
125 116 113 99 81

Historia[editar | editar la fonte]

Les primeres noticies del pueblu son de 1092 pos Nuño Ansúrez dona los sos bienes de Villamayor de Treviño a la Catedral de Burgos. Anque si tenemos en cuenta l'apellíu Treviño, la so hestoria remontaríase entá más tras, a la dómina prerromana. Treviño ye un términu celta que significa afitáu triple pos la zona de Treviño yera'l puntu de separación y confluencia de tres tribus prerromanes: Los cántabros (norte), vacceos (sur y oeste) y los turmódigos (sur y esti).

Llugar que formaba parte de la Cuadriella de Odra nel Partíu de Villadiego, unu de los catorce que formaben la Intendencia de Burgos, mientres el periodu entendíu ente 1785 y 1833, nel Censu de Floridablanca de 1787, xurisdicción de señoríu siendo'l so titular el Duque de Frías, alcalde pedáneo.

Antes de tener datos escritos , los romanos yá dexaren la so buelga nel términu municipal de Villamayor de Treviño y nun ye estrañu teniendo en cuenta que l'antigua ciudá romana de Segisamo (Sasamón) ta a namái 11 quilómetros y que a unos 4 km pasaba una antigua calzada romana de la que queden unes poques piedres ente Grijalba y Padilla de riba. De los invasores romanos queda en Villamayor una pequeña ponte sobre'l Regueru Mayor nel campu llamáu de San Juan; amás sábese qu'hubo una pequeña villa romana nel campu de Santillana onde s'atoparon cachos de terra sigillata.

Monumentos[editar | editar la fonte]

Como monumentos relixosos queda na actualidá la Ilesia de Santa María, nel centru del pueblu, que tien un formosu retablu na nave mayor. Esta ilesia ye una de les 3 qu'hubo n'otres dómines; les otres trés ilesies llamábense: ilesia de San Miguel, que s'atopaba nel conventu premostratense de San Miguel, y la Ilesia de San Esteban, que taba nel barriu del mesmu nome.

Del conventu premostratense queda namái la puerta d'entrada al conventu y un pocu del muriu. La decadencia d'esti conventu empezó con Xosé Bonaparte que-y foi quitando delles propiedaes pa pagase los gastos de guerra y rematóse cola desamortización de Mendizábal. Les granxes de Robar y Santibáñez, que yeren propiedá del monesteriu, fueron sacaes a puya pública ensin nenguna indemnización pa los canónigos.

Amás de les 3 ilesies y el conventu, había dos ermites.

Referencies[editar | editar la fonte]

  1. Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
  2. Códigu INE 444
  3. Wikimapia, [1]

Enllaces esternos[editar | editar la fonte]