Vicente Díaz

Vicente Díaz
Vida
Nacimientu	Sotu'l Barcu, 13 d'avientu de 1948 (75 años)
Nacionalidá	España
Estudios
Llingües falaes	castellanu; asturianu
Oficiu	cantante de tonada
Premios	ver Premiu de la Crítica RPA ;

Vicente Díaz González (13 d'avientu de 1948, Sotu'l Barcu) ye un cantante asturianu. Ye ún de los más populares intérpretes d'Asturies gracies a les sos composiciones cencielles y costumistes. Foi candidatu al meyor cantar n'asturianu de los premios de l'Academia de la Música en 2005 por La Pola de Siero, que compusiera Pepín Robles. En 2009 recibió'l Premiu de la Crítica RPA al Meyor Discu de Música Asturiana, por Montes Cantábricos.

Biografía

Vicente Díaz nació n'avientu de 1948 en Los Veneros (Riberas), nel conceyu de Sotu'l Barcu, pero vive dende bien mozo n'Avilés, ciudá na qu'entamó a trabayar como chapista. La so vocación musical entamó bien ceo, de guaḥe. El so entornu animólu a presentase a dellos concursos de tonada asturiana, algamando 17 premios en tres años.

Consideráu entós l'heriede natural d'El Presi, Vicente Díaz entamó un estilu propio, con cantares populares de temática asturiana y folixera ya igües d'estilu 'pop' que-y apurrieren una valoratible popularidá n'Asturies y pente les colonies d'emigrantes asturianos, especialmente n'América. Tien asoleyaos una veintena discos dende 1976, y ye ún de los músicos habituales nes fiestes asturianes con decenes de conciertos cada añu.

Discografía

Vicente Díaz (1976)
Vicente Díaz (1977)
Fiesta en la aldea (1981)
Orbayu (1982)
Retazos (1983)
Sus mejores canciones, (1985)
Pleamar (1985)
¡Ay! Guapina (1986)
Campanines (1987)
Cantábrico (1988)
Nalón, (1989)
Fechu N'Asturies (1991)
Asturias de mi querer (1992)
Manolín (1993)
Restallu (1995)
Paraíso Natural (1997)
Grandes Éxitos,(1999)
Homenaje a El Presi (2001)
Contra viento y marea (2003)
Aires del Norte (2005)
Villancicos d'Asturies (2006)
Montes Cantábricos (2009)

Referencies

Enllaces esternos

Páxina oficial de Vicente Díaz Archiváu 2016-03-13 en Wayback Machine