Universidá pa la Paz

De Wikipedia
Saltar a: navegación, buscar
Campus de la Universidá pa la Paz

La Universidá pa la Paz (University for Peace, UPEACE) ye una institución académica dependiente de la Organización de les Naciones Xuníes. Foi creada en 1980 pol Conceyu Xeneral de la ONX y tien la so sede en Ciudá Colón, Costa Rica.

Hestoria[editar | editar la fonte]

Cola fin de caltener la so llibertá académica, la Universidá foi establecida baxo la so propia constitución, aprobada pol Conceyu Xeneral de la ONX. La UPAZ nun ta venceyada a les regles de la ONX y ta dirixida pola so propia Mesa Directiva compuesta por espertos en temes de paz y seguridá. Esto permitió a la Universidá un rápidu espoxige, enfotando nun programa académicu multicultural y multidisciplinariu empobináu a resolver conflictos. El Secretariu Xeneral de la ONX Ban Ki-Moon ye'l Presidente Honorariu de la Universidá.

La misión de la UPAZ tien d´entendese nel contextu de paz mundial y colos oxetivos de seguridá propuestos pola ONX. Muncho importantes son los temes d'educación y investigación en tolos sos aspeutos cola fin de facer una base de paz y progresu y de reducir l'odiu y los prexuicios nos cuales sofitense la violencia, los conflictos y el terrorismu. La constitución de la UPAZ fai un llamamientu a “collaborar a la tarea universal d'educar pa la paz al traviés de la enseñanza, la investigación, l'entrenamientu de posgráu y l´espardimientu del conocimientu, pieza angular pal desendolcu enteru de la persona humana y la sociedá al traviés del estudiu interdisciplinariu de tolos temes rellacionaos cola paz".

L´oxetivu de la UPAZ ye la de convertise na propulsora d´una rede de collaboración de centros UPAZ alredor del mundu y de poner en marcha una gran bayura d'actividaes n'estremaes rexones, cooperando coles universidaes, ONGs y múltiples socios educativos y d´investigación. La UPAZ ta en procesu d´acreditación.

Enllaces esternos[editar | editar la fonte]


Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.