Tresbordador Espacial Challenger

De Uiquipedia
Saltar a: navegación, buscar

El Tresbordador Espacial Challenger foi'l segundu orbiter del programa del tresbordador espacial n'entrar en serviciu. El so primer vuelu realizólu'l 4 d'abril de 1983 y completó nueve misiones más enantes de desintegrase a los 73 segundos del so llanzamientu na décima misión, el 28 de xineru de 1986, morriendo los siete tripulantes que diben dientru d'elli.

El nome de Challenger provién del HMS Challenger, una corbeta británica que fizo una espedición d'investigación marina global en 1870.

Historia y vuelos[editar | editar la fonte]

El Challenger construyóse a partir de la cadarma STA-099, utilizada nos entamos pa pruebes estructurales. El STA-099 nun taba diseñáu pa vuelos espaciales, pero la NASA atalantó que'l remocique sedría más baratu que equipar otra vuelta'l tresbordador de pruebes Enterprise (OV-101) pa vuelos espaciales, como se plantegara nun entamu.

El Challenger, y los orbitadores construidos depués d'esti, teníen menos losetes nel so sistema de proteición térmica que'l Columbia. La mayoría de les losetes nes puertes de carga, la superficie supeior de les ales y la parte d'atrás del tresbordador fueron reemplazaes por un aislamientu de nomex cande de la empresa DuPont. Esta modificación permitía-y al tresbordador llevar 1.130 Kg más de carga útil que'l Columbia. El Challenger foi tamién el primer orbitador en llevar un sistema de pantalles HUD asemeyaes a les qu'usaben nos aviones militares y civiles modernos.

Tres el so vuelu inaugural, el Challenger convirtióse nel orbitador de carga de la flota de tresbordadores de la NASA, volando en más misiones por añu que'l Columbia. El Challenger garró fama por ser el primer orbitador onde voló la primera muyer, el primer prietu y el primer canadiense amás de ser el primeru que fizo un despegue y aterrizax pola nueche. Foi tamién el primer tresbordador en destruise nun accidente nuna misión.


Accidente[editar | editar la fonte]

L'accidente del Tresbordador Espacial Challenger ocurrió'l 28 de xineru de 1986