Tocotronic

De Wikipedia
Saltar a navegación Saltar a la gueta
Tocotronic
RaR 2013 Tocotronic 01.jpg
Datos
Tipu grupu de rock
Miembros Dirk von Lowtzow
Xéneru Indie rock
País Bandera d'Alemaña Alemaña
Fecha fundación 1993
Web oficial
Cambiar los datos en Wikidata
Tocotronic en 2005.

Tocotronic ye un grupu de rock alemán que entamó en 1993. Fórmenlu el baxu Jan Müller, el batería Arne Zank y el cantante / guitarrista Dirk von Lotzow. Dende'l so álbum caberu, Pure Vernunft darf niemals siegen, trabaya con ellos el guitarrista y tecleru Rick McPhail, que tenía andechao en delles xires. El nome del grupu vién d'una máquina de vidioxuegos xaponesa.

Tocotronic xurdió d'Hamburgu y tién espublizao ensembre en "L'Age D'Or", compañía que ye un trabe na música alemaña de güei y per enrriba too no que d'avezu se noma Hamburger Schule ("Escuela d'Hamburgu"), escenariu alternativu nel que tamién s'alcuentren bandes como Die Sterne ("Les estrelles"), Blumfeld ("Campu flores") o Tomte (pallabra sueca pa un trasgu de Nadal). L'estilu de Tocotronic pue resumir munchos los xeitos d'esta "Escuela": llucha social, esmolecimientu pol valor "lliterariu" de les lletres (xuegos de pallabres, ironíes, etc) y guitarres frayantes, poru tamién esperimentales, con desendolcos suañadores y jazzísticos (comu s'atopen nos grupos indies estauxunidenses de los '80 y '90: Sonic Youth, Dinosaur Jr., My Bloody Valentine, etc).

Magar que el so influxu musical seya fondu na mocedá alemaña, tamién ye perimportante nes traces y la ropa, comu pue decatase nes grandes ciudaes (Hamburgu, Berlín, Frankfurt): "uniforme" que amesta vieyes chaquetes de deporte, camisetes d'anuncios y playeres.

Discografía[editar | editar la fonte]

  • Digital ist besser (1995) ("Dixital ye meyor")
  • Nach der verlorenen Zeit (1995) ("Tres el tiempu perdíu" - xuegu col llibru de Marcel Proust, "Na gueta el tiempu perdíu")
  • Wir kommen um uns zu beschweren (1996) ("Venimos pa quexicanos")
  • Es ist egal, aber (1997) ("Da igual, poro")
  • The Hamburg Years (1998) ("Los años d'Hamburgu")
  • K.O.O.K. (1999)
  • K.O.O.K Variationen (2000) (remezcles del discu "K.O.O.K.")
  • Tocotronic (2002)
  • Pure Vernunft darf niemals siegen (2005) ("La pura razón nun pué vencer)

Referencies[editar | editar la fonte]

Enllaces esternos[editar | editar la fonte]