Tim Staffell

De Wikipedia
Saltar a navegación Saltar a la gueta

Timothy Staffell ('Tim') (nacíu'l 24 de febreru de 1948 en Isleworth, Middlesex, Inglaterra), ye un cantante, guitarrista y artista visual del rock. Foi miembru del grupu de música blues-rock 1984 y más tarde de Smile, banda que incluyía'l guitarrista Brian May y al batería Roger Taylor, y que, tres la marcha de Staffell, incorporó a Freddie Mercury y John Deacon pa formar la banda Queen. Staffell y May co-escribieron el cantar "Doin' Alright," que incluyóse por Queen nel so primer álbum. Tres un tiempu lliderando Smile Staffell axuntóse al grupu Humpy Bong y depués al grupu de rock progresivu esperimental Morgan, cola qu'asoleyaron los álbumes Nova Solis y Brown Out (depués retitulao The Sleeper Wakes). Depués de Smile, convirtióse nun guitarrista a tiempu completu, daqué que nun pudo facer en Smile debio a la presencia de Brian May, quien ya facía les veces de guitarrista.

Staffell más tarde decidió sacase la carrera de diseñador y modelista, animador y direutor publicitariu, creando modelos (ente otros proyeutos) pa la adaptación de la BBC de The Hitchhiker's Guide to the Galaxy y, pa les series inaugurales, foi nomáu xefe de la sección de diseñu de vestuariu pal programa de televisión pa neños entituláu Thomas The Tank Engine.

En 2001, Staffell tornó a la música d'escena con una nueva banda de blues-funk nomada aMIGO, que tomó inspiraciones de les músiques folk, música llatina y rock. Fasta güei tienen asoleyáu ún trabayu d'entamu (en 2003), axuntándo-y nueves versiones regrabaes de cantares pasaos ("Earth" y "Doin' Alright") de l'antigua Smile, interpretaos col d'aquelles collaciu de banda Brian May a la guitarra y voz.

Tim ta agora trabayando nel Mountview Academy of Theatre Arts de cabezaleru de Taller de Construcciónas a nivel d'interinu.

Enllaces esternos[editar | editar la fonte]