Tigranakert (Artsaj)

De Wikipedia
Saltar a navegación Saltar a la gueta
Tigranakert (Artsaj)
Tigranakert3.jpg
Llocalización
Estáu con reconocencia llindadaRepública de Nagorno Karabaj [[File:Arbcom ru editing.svg
Region of the Nagorno-Karabakh RepublicMartakert Region [[File:Arbcom ru editing.svg
Coordenaes 40°03′55″N 46°54′21″E / 40.065278°N 46.905833°E / 40.065278; 46.905833Coordenaes: 40°03′55″N 46°54′21″E / 40.065278°N 46.905833°E / 40.065278; 46.905833
Tigranakert (Artsaj) is located in Azerbaixán
Tigranakert (Artsaj)
Tigranakert (Artsaj)
Tigranakert (Artsaj) (Azerbaixán)
Historia y usu
Dueñu República de Nagorno Karabaj Traducir
Web oficial
Cambiar los datos en Wikidata
Restu d'una muria.

Tigranakert (n'armeniu, Արցախի Տիգրանակերտ), Arts'akhi Tigranakert) ye'l nome d'una antigua ciudá armenia que data del periodu helenísticu. Ye una de les ciudaes antigües del pandu armeniu que llevaron el mesmu nome, n'honor del rei armeniu Tigranes el Grande (r. 95–55 e.d.C.), anque dellos eruditos apuntaron qu'esti Tigranakert en particular podría tar fundáu pol padre de Tigranes el Grande, Tigranes I (r. 115–95 e.d.C.). Ocupa una estensión d'unes 50 hectárees y alcuéntrase na provincia de Martakert na República de Nagorno Karabaj, autoproclamada independiente y de jure na llocalidá d'Aghdara n'Azerbaixán, unos cuatro kilómetros al sur del ríu Jachenaget.[1][2]

Historia[editar | editar la fonte]

Los arqueólogos daten la fundación de Tigranakert unos ochenta años enantes del entamu de nuesa dómina, mientres el reináu del rei Tigranes el Grande.[3] Robert Hewsen punxo en dulda l'atribución a Tigranes II, al nun atopar inda inscripciones o monedes que la xustifiquen y tola identificación basóse nel nome local del sitiu. Les ruines de la segunda Tigranakert inda nun s'afayaron, magar que créese que pue tar asitiada nel distritu de Gardman. Tres el cayente de la ciudá na alta Edá Media, caltúvose'l nome de "Tigranakert" nes formes llocales de Tukrakert (Տըկրակերտ) y Turnakurt (Տըրնակուրտ).[6][1]

Escavaciones[editar | editar la fonte]

Les escavaciones en Tigranakert empezaron en marzu de 2005 y siguieron baxo la direición del Hamlet Petrosyan del Institutu d'Arqueoloxía y Etnografía de l'Academia Armenia de Ciencies. Los arqueólogos sacaron a la lluz dos de les muralles principales de la ciudá, según torres d'estilu helénicu y una ilesia armenia d'ente los sieglos V y VII.[3] En 2008, l'equipu d'escavación tuvo problemes de financiamientu, anque les autoridaes de la República de Nagorno Karabaj prometieron asigna-yos 30 millones de drams por que sigan coles sos investigaciones.[2]

En xunu de 2010 inauguróse na antigua ciudá d'Ağdam (güei en ruines), un muséu dedicáu al estudiu y la preservación d'oxetos estrayíos de les ruines de Tigranakert.[3]

Galería[editar | editar la fonte]

Ver tamién[editar | editar la fonte]

Referencies[editar | editar la fonte]

  1. 1,0 1,1 "Tigranakert in Artsakh," in Tigranes the Great.
  2. 2,0 2,1 "Research in Ruins: Tigranakert project threatened by lack of finances."
  3. 3,0 3,1 3,2 Museum at Ancient Ruins of Tigranakert Opens in Nagorno-Karabakh.

Bibliografía[editar | editar la fonte]

  • (2001) Armenia: A Historical Atlas (en inglés). University of Chicago Press. ISBN 0-2263-3228-4.  (2001) Armenia: A Historical Atlas (en inglés). University of Chicago Press. ISBN 0-2263-3228-4. </ref>
  • Hewsen, Robert H. (2013). «Three New Books about Arts'akh» (en inglés). Journal of the Society for Armenian Studies. 

Enllaces esternos[editar | editar la fonte]