Tigranakert (Artsakh)

Tigranakert
Alministración
País	Azerbaixán
Raiones (es)	Ağdam (es)
Tipu d'entidá	xacimientu arqueolóxicu
Xeografía
Coordenaes	40°03′55″N 46°54′21″E / 40.065278°N 46.905833°E
	Tigranakert Tigranakert (Azerbaixán)
Más información
Estaya horaria	UTC+04:00
	tigranakert.am

Tigranakert (n'armeniu, Արցախի Տիգրանակերտ), Arts'akhi Tigranakert) ye'l nome d'una antigua ciudá armenia que data del periodu helenísticu. Ye una de les ciudaes antigües del pandu armeniu que llevaron el mesmu nome, n'honor del rei armeniu Tigranes el Grande (r. 95–55 e.d.C.), anque dellos eruditos apuntaron qu'esti Tigranakert en particular podría tar fundáu pol padre de Tigranes el Grande, Tigranes I (r. 115–95 e.d.C.). Ocupa una estensión d'unes 50 hectárees y alcuéntrase na provincia de Martakert na República de Nagorno Karabakh, autoproclamada independiente y de jure na llocalidá d'Aghdara n'Azerbaixán, unos cuatro quilómetros al sur del ríu Jachenaget.^[1]^[2]

Historia[editar | editar la fonte]

Los arqueólogos daten la fundación de Tigranakert unos ochenta años enantes del entamu de nuesa dómina, mientres el reináu del rei Tigranes el Grande.^[3] Robert Hewsen punxo en dulda l'atribución a Tigranes II, al nun atopar inda inscripciones o monedes que la xustifiquen y tola identificación basóse nel nome llocal del sitiu. Les ruines de la segunda Tigranakert inda nun s'afayaron, magar que créese que pue tar asitiada nel distritu de Gardman. Tres el cayente de la ciudá na alta Edá Media, caltúvose'l nome de "Tigranakert" nes formes llocales de Tukrakert (Տըկրակերտ) y Turnakurt (Տըրնակուրտ).[6]^[1]

Escavaciones[editar | editar la fonte]

Les escavaciones en Tigranakert empezaron en marzu de 2005 y siguieron baxo la direición del Hamlet Petrosyan del Institutu d'Arqueoloxía y Etnografía de l'Academia Armenia de Ciencies. Los arqueólogos sacaron a la lluz dos de les muralles principales de la ciudá, según torres d'estilu helénicu y una ilesia armenia d'ente los sieglos V y VII.^[3] En 2008, l'equipu d'escavación tuvo problemes de financiamientu, anque les autoridaes de la República de Nagorno Karabakh prometieron asigna-yos 30 millones de drams por que sigan coles sos investigaciones.^[2]

En xunu de 2010 inauguróse na antigua ciudá d'Ağdam (güei en ruines), un muséu dedicáu al estudiu y la preservación d'oxetos estrayíos de les ruines de Tigranakert.^[3]

Galería[editar | editar la fonte]

Muséu sobre Tigranakert n'Ağdam.
Restu de Tigranakert exhibíu nel muséu.
Vista de Tigranakert.
Vista de Tigranakert.

Ver tamién[editar | editar la fonte]

Llista de castiellos d'Armenia

Referencies[editar | editar la fonte]

↑ ^1,0 ^1,1 "Tigranakert in Artsakh," in Tigranes the Great.
↑ ^2,0 ^2,1 "Research in Ruins: Tigranakert project threatened by lack of finances."
↑ ^3,0 ^3,1 ^3,2 Museum at Ancient Ruins of Tigranakert Opens in Nagorno-Karabakh.

Bibliografía[editar | editar la fonte]

(2001) Armenia: A Historical Atlas (n'inglés). University of Chicago Press. ISBN 0-2263-3228-4. (2001) Armenia: A Historical Atlas (n'inglés). University of Chicago Press. ISBN 0-2263-3228-4. </ref>
Hewsen, Robert H. (2013). «Three New Books about Arts'akh» (n'inglés). Journal of the Society for Armenian Studies.

Enllaces esternos[editar | editar la fonte]

[Petrosyan-1] 1,0 ^1,1 "Tigranakert in Artsakh," in Tigranes the Great.

[AN-2] 2,0 ^2,1 "Research in Ruins: Tigranakert project threatened by lack of finances."

[Asbarez-3] 3,0 ^3,1 ^3,2 Museum at Ancient Ruins of Tigranakert Opens in Nagorno-Karabakh.

[1]

[2]

[3]