Teoloxía de la Lliberación

De Uiquipedia
Saltar a: navegación, buscar

La Teoloxía de la Lliberación ye una corriente teolóxica que entama n'Iberoamérica dempués del Conceyu Vaticanu II y la Conferencia de Medellín (Colombia, 1968). Los sos representantes más destacaos son los sacerdotes Gustavo Gutiérrez Merino, (peruanu), que nel 73 espubliza'l primer llibru alrodiu d'Historia, política y salvación de una teología de liberación, Leonardo Boff (brasilanu) y el guerrilleru marxista Camilo Torres Restrepo.

La Teoloxía de la Lliberación intenta dar rempuesta a la entruga que los cristianos d'América Llatina se planteguen cómo ser cristianu nun continente oprimíu. Ún de los sos máximos esponentes, el xesuita Ignacio Ellacuría, foi asesináu. Munchos sacerdotes prautiquen y aceuten esta teoloxía, amás d'América Llatina, per tola Ilesia católica.

Principales idees[editar | editar la fonte]

Delles de les idees de la Teoloxía de la Lliberación son:

  1. La salvación cristiana nun pue ser ensin la lliberación económica, política, social y ideolóxica, pola dignidá del home.
  2. Esaniciu de la esplotación, de les inxusticies d'esti mundu.
  3. Accesu a la educación y la salú.
  4. La lliberación como conciencia énte la realidá socioeconómica.
  5. La probitú ye un pecáu social.