Sultán Alí Keshtmand

De Wikipedia
Saltar a navegación Saltar a la gueta
18-11-2026 00:00
Sultán Alí Keshtmand
Vida
Nacimientu

Kabul22  de mayu de 1935

(84 años)
Nacionalidá Bandera d'Afganistán Afganistán
Estudios
Estudios Universidá de Kabul
Oficiu
Oficiu políticu
Creencies
Partíu políticu Partíu Democráticu Popular d'Afganistán
Cambiar los datos en Wikidata

Sultán Alí Keshtmand (Kabul, 22 de mayu de 1935) ye un estadista afganu.

Familia y educación[editar | editar la fonte]

Nacíu nuna familia hazara, graduóse nel Licéu de Kabul "Habibi". En 1960 xunióse a un grupu clandestín empobináu por Babrak Karmal. En 1961 graduóse na Facultá d'Economía de la Universidá de Kabul; esi añu foi conscriptu nel Exércitu.

Actividaes polítiques[editar | editar la fonte]

Depués del serviciu militar trabayó en delles posiciones nel Ministeriu de Minería ya Industria. Ente 1967-68 foi Direutor Xeneral del Departamentu Económicu d'esi Ministeriu. Escribió delles obres sobre economía.

En 1965 foi unu de los miembros orixinales del Partíu Democráticu Popular d'Afganistán (PDPA), como parte del Comité Central. En 1965 y 1969 foi candidatu a diputáu. Ente 1965-66 tuvo en prisión por participar viviegamente en manifestaciones escontra'l gobiernu d'entós. Ente 1968-1970 foi miembru del conseyu editorial y ún de los autores principales del periódicu Parcham. En 1972 dexó l'alministración pública pa dedicase namái a les actividaes partidaries. En 1977, cuando se reconciliaron les faiciones Parcham y Jalq del PDPA, foi escoyíu miembru del Buró Políticu del Comité Central y miembru de la Comisión de Teoría, Baturiciu y Propaganda.

Gobiernu revolucionariu[editar | editar la fonte]

Dempués de la Revolución Saur, Keshtmand foi nomáu Ministru de Planificación (1 de mayu de 1978) y miembru del Conseyu Revolucionariu. N'agostu d'esi añu foi arrestáu, so cargos de conspirar pa derrocar al presidente Nur Mohammad Taraki, destituyíu de tolos sos cargos y sometíu a tortures graves, nes que participó personalmente'l xefe d'intelixencia Asadulá Sarvari. Keshtmand foi condergáu a muerte, pero énte la insistencia del gobiernu soviéticu, foi-y conmutada primero por cadena perpetua y el 7 d'ochobre de 1979 por quince años de prisión.

Dempués del derrocamientu de Jafizulá Amín n'avientu de 1979, Keshtmand foi lliberáu y designáu Primer Ministru Axuntu y restauráu como Ministru de Planificación (confirmáu'l 11 de xineru de 1980), miembru del Conseyu Revolucionariu de la República y del Buró Políticu del PDPA.

El 11 de xunu de 1981 Keshtmand foi nomáu Primer Ministru, en reemplazu del so amigu Karmal, y Presidente de la Comisión de Planificación Estatal. Keshtmand foi'l primer hazara a la cabeza d'un gobiernu afganu. N'abril de 1982 retiróse como Presidente d'esa Comisión.

En 1988 Keshtmand arrenunció al so puestu como xefe de gobiernu y foi reemplazáu por Mohammad Hasan Sharq. Ente xunu de 1988 y xunu de 1990 foi miembru del Secretariáu del PDPA. El 19 de febreru de 1989, el presidente Mohammad Najibulá destituyó al gobiernu y Keshtmand foi designáu Primer Ministru de nuevu y Presidente del Conseyu Supremu pa la Defensa de la Patria. En mayu de 1990 arrenunció y foi reemplazáu por Fazal Haq Khaliqyar. Nel mesmu mes foi eleutu Vicepresidente de la República y en xunu miembru del Comité Executivu del Conseyu Central del Partíu de la Patria (nuevu nome y estructura del antiguu PDPA).

Esiliu y actividaes posteriores[editar | editar la fonte]

N'abril de 1991 arrenunció voluntariamente a tolos puestos y el 16 de xunetu de 1991 arrenunció a la so afiliación al Partíu de la Patria. El 7 de febreru de 1992 Keshtmand resultó gravemente mancáu nun ataque. N'abril los fundamentalistes islámicos derrocaron al gobiernu y Keshtmand abandonó Afganistán, partiendo escontra Rusia p'asitiase definitivamente n'Inglaterra.

Keshtmand escribió los sos memories en tres volumes: «Rexistros Políticos y Acontecimientos Históricos» (Reinu Xuníu, 2003). Nelles defende al PDPA y l'intervención soviética, alegando que'l primeru traxo la llibertá a Afganistán y que lo segundo yera necesariu p'acabar cola dictadura d'Amín. Como errores señala la conversión del PDPA nuna organización burocrática y desideoloxizada so Najibulá y l'allongamientu escesivu de la estancia de los soviéticos.

Referencies[editar | editar la fonte]


Predecesor:
Haji Mohammad Chamkani

Vicepresidente de la República d'Afganistán

{{{periodu}}}
Socesor:
Abdul Rahim Hatef
Predecesor:
Mohammad Hasan Sharq
Primer Ministru d'Afganistán
1989 - 1990
Socesor:
Fazal Haq Khaliqyar
Predecesor:
Babrak Karmal
Primer Ministru d'Afganistán
1980 - 1988
Socesor:
Mohammad Hasan Sharq