Sigtuna
Sigtuna ye una población asitiada xunto al llagu Mälaren, Suecia. Ye parte del conceyu de Sigtuna, en de la rexón metropolitana d'Estocolmu. Foi fundada pol rei Erico el Victoriosu (Erik Segersäll) hacia l'añu 980.
Cuando a finales del sieglu X foi abandonáu'l dinámicu establecimientu comercial de Birka, tamién allugáu a veres del llagu Mälaren, Sigtuna asumió parcialmente les sos funciones como centru d'intercambios, pero ensin llegar a adquirir la mesma importancia.[1]
Mientres los sos dos primeros sieglos d'esistencia florió como residencia de la corona y centru comercial. La ciudá foi atacada y destruyida en 1187 por guerreros procedentes d'Estonia, Ingria, y Carelia, so les órdenes de la República de Nóvgorod (anguaño en Rusia). Anque Sigtuna foi reconstruyida y caltuvo cierta importancia, el so papel foi sustituyíu depués per ciudaes cercanes como Upsala o Estocolmo, según por otres como Visby y Kalmar so la égida de l'Hansa.
Foi nesta ciudá onde per primer vegada acuñóse moneda en Suecia, sol reináu del rei Olaf Skötkonung, a finales del sieglu X.
La so población foi cayendo hasta llegar a los 600 habitantes nel sieglu XIX. Nel añu 2006 cuntaba con unos 10.000 habitantes y ye un destín turísticu de relevancia. Destaquen sobremanera les ruines de les primeres ilesies construyíes en Suecia oriental, según la feria d'artesaníes y música medieval que tien llugar nel mes de xunu.
Referencies
[editar | editar la fonte]- ↑ Dhondt, Jan (1967): L'Alta Edá Media. – Sieglu XXI, Méxicu, 1999, páxs. 133 y 280-281. ISBN 968-23-0026-6
Enllaces esternos
[editar | editar la fonte]
Wikimedia Commons acueye conteníu multimedia sobre Sigtuna.
- Añales de Sigtuna (Annales Sigtunenses, 1208 - 1288).
- Testu billingüe llatín - francés, con introducción y comentarios nesti idioma, nel sitio de Philippe Remacle (1944 - 2011). La introducción ta estrayida del escritu Relations de la Suède avec l'Espagne et le Portugal jusqu'à el fin du dix-septième siècle, d'August Strindberg. Boletín de la Real Academia de la Historia, tomu 17, añu 1890.