Sigma Orionis

De Wikipedia
Saltar a navegación Saltar a la gueta
Sigma Orionis
Ficha d'oxetu celesteSigma Orionis
Datos d'observación
Ascensión reuta (α) 84,686527191725 °[1]
Declinación (δ) -2,6000790859138 °[1]
Magnitú aparente (V) 3,79 (banda V)
Constelación Orión[3]
Velocidá radial 29,9 km/s[4]
Parallax 3,04 mas[5]
Otros nomes
Cambiar los datos en Wikidata

Coordenaes: Sky map 5h 38m 44.767s, -2° 36 0.285

Sigma Orionis (σ Ori / 48 Orionis)[6] ye un sistema estelar séstuple[7] na constelación d'Orión. La so magnitú aparente conxunta ye +3,66. Representa'l pináculo d'un cúmulu —llamáu Cúmulu de Sigma Orionis[8] asitiáu a unos 1150 años lluz del Sistema Solar, que de la mesma forma parte de l'Asociación estelar Orión OB1.[9]

La componente dominante del sistema ye una estrella triple, Sigma Orionis Aa, Ab y B. Sigma Orionis Aa y Ab son dos estrelles de gran masa xirando una alredor de la otra con un periodu orbital de namái 143 díes.[7] Sigma Orionis AaAb y Sigma Orionis B, de magnitúes +4,2 y +5,1, tán dixebraes 0,25 segundos d'arcu. Dambes son estrelles azules de la secuencia principal; la más brillosa ye de tipu espectral O9.5 y 32.000 K de temperatura, ente que la so compañera ye de tipu B0.5 y 29.600 K. Ye una de les binaries visuales de mayor masa, con 18 mases solares la estrella más caliente y 13,5 mases solares la so compañera. Separada de Sigma Orionis AaAb por unes 100 UA, el periodu orbital de Sigma Orionis B ye de 157 años.[7]

Les siguientes estrelles tocantes a rellumu son Sigma Orionis D y Sigma Orionis Y. Los dos son estrelles de tipu B2V con una masa de 7 mases solares. El rellumu de dambes ye bien asemeyada —magnitúes +6,62 y +6,65—, pero Sigma Orionis Y estrémase por ser una estrella rica n'heliu. Na so superficie, el heliu paez tar concentráu en manches concretos qu'impliquen una combinación del exa de rotación y de la exa del campu magnéticu estelar.[9]

La sesta estrella, Sigma Orionis C, ye una estrella blanca de la secuencia principal de tipu A2V. D'alcuerdu a la so separación proyeutada —3900 UA— ye la más próxima al par AB. Sigma Orionis D y Sigma Orionis Y atópense, respeutivamente, a 4600 UA y 15.000 UA de la binaria AB.[9]

Ver tamién[editar | editar la fonte]

Referencies[editar | editar la fonte]

  1. 1,0 1,1 Afirmao en: Gaia DR2. Llingua de la obra o nome: inglés. Data de publicación: 25 abril 2018.
  2. Nuria Calvet (22 setiembre 2014). «A spectroscopic census in young stellar regions: the {sigma} Orionis cluster» (n'inglés). The Astrophysical Journal (1):  páxs. 36. doi:10.1088/0004-637X/794/1/36. 
  3. Afirmao en: VizieR. Llingua de la obra o nome: inglés.
  4. «Astrophysical supplements to the ASCC-2.5: Ia. Radial velocities of ∼55000 stars and mean radial velocities of 516 Galactic open clusters and associations». Astronomische Nachrichten (9):  páxs. 889-896. payares 2007. doi:10.1002/ASNA.200710776. 
  5. Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2):  páxs. 653–664. doi:10.1051/0004-6361:20078357. 
  6. Sigma Orionis (SIMBAD)
  7. 7,0 7,1 7,2 Nota de prensa del Institutu d'Astrofísica de Canaries, 27 xineru 2015.
  8. Sigma Orionis Cluster (SIMBAD)
  9. 9,0 9,1 9,2 Sigma Orionis (Stars, Jim Kaler)

Coordenaes: Sky map 5h 38m 44.767s, -2° 36 0.285