Shoshannah Stern

Shoshannah Stern
Vida
Nacimientu	Walnut Creek (es) , 3 de xunetu de 1980 (43 años)
Nacionalidá	Estaos Xuníos
Residencia	Hollywood
Llingua materna	inglés; llingua de signos americana
Familia
Hermanos/es	Louise Stern
Estudios
Estudios	California School for the Deaf, Fremont (en) ; Universidá Gallaudet
Llingües falaes	inglés; llingua de signos americana
Oficiu	actriz, actriz de televisión, actriz de cine, actriz de teatru
IMDb	nm0998074
	ensin valor

Shoshannah Stern (3 de xunetu de 1980, Walnut Creek ^(es) ) ye una actriz d'Estaos Xuníos.

Biografía[editar | editar la fonte]

Nació en Walnut Creek (California) nuna familia xudía.^[2] Una de les sos güeles ye una sobreviviente del Holocaustu.^[2] Creció en Fremont onde allegó al California School for the Deaf.

Ye la cuarta xeneración de sordos de la so familia y el so primer llinguaxe ye la llingua de signos.^{[ensin referencies]} Ye capaz de lleer los llabios y falar inglés ensin intérprete. Estudió na Universidá Gallaudet, la única del mundu que los sos programes tán diseñaos pa persones sordes.^[3]

Stern apaeció na serie Threat Matrix de l'ABC y con papel recurrente en Weeds de Showtime. Otres participaciones inclúin ER, Providence y Cold Case. Participó xunto a Matthew Broderick na película The Last Shot. Tamién participó como'l personaxe de Bonnie Richmond na serie post-apocalíptica de la CBS, Jericho.

Stern tamién apaeció nel popular video musical, "Yes We Can", escritu por will.i.am pa la campaña de Barack Obama.

Añu	Títulu	Papel
2004	The Last Shot	Novia de Steven
2008	Adventures of Power	Annie

Añu	Títulu	Papel	Notes	Capítulu	Temporada	Episodiu
2002	Providence	Renee	Un episodiu
2002	ER (Urxencies)	Rosemary	Un episodiu
2003 - 2004	Threat Matrix	Holly Brodeen	Seis episodios
2005 - 2005	Weeds	Megan	Once episodios
2006 - 2008	Jericho	Bonnie Richmond	Papel secundariu
2008	Cold Case	Leah O'Rafferty	Un episodiu	Andy en Do Menor	Quinta Temporada	14
2010	Lie to Me	Sarah Lange	Papel secundariu	Esporádica	Tercer Temporada

↑ Afirmao en: Internet Movie Database. Identificador IMDb: nm0998074. Data de consulta: 11 xunetu 2016. Llingua de la obra o nome: inglés.
↑ ^2,0 ^2,1 Miller, Gerri (March/April, 2007). «Signing Up for Hollywood». JVibe (Jewish Family & Life) 3 (2): páxs. 30–31. http://web.archive.org/web/http://www.jvibe.com/popculture/signing_up_hollywood.shtml. Consultáu'l 18 d'abril de 2007.
↑ TV.com Shoshannah Stern Bio