Sanne Wevers

De Wikipedia
Sanne Wevers
Vida
Nacimientu Leeuwarden, 17 de setiembre de 1991 (32 años)
Nacionalidá Bandera de Países Baxos Reinu de los Países Baxos
Familia
Padre Vincent Wevers
Hermanos/es Lieke Wevers
Oficiu
Oficiu ximnasta artística
Pesu 46 kg
Altor 156 cm
Premios
Cambiar los datos en Wikidata

Sanne Wevers (17 de setiembre de 1991, Leeuwarden) ye una ximnasta artística neerlandesa. En 2015, ganó la competición de barra d'equilibriu nel Campeonatu Mundial, amás de bronce en barres asimétriques nel Campeonatu Européu. Nos Xuegos Olímpicos de Rio de Janeiro 2016, llogró'l primer llugar na viga de equilibriu, superando a les estauxunidenses Laurie Hernandez y Simone Biles.

Carrera[editar | editar la fonte]

2007–2008[editar | editar la fonte]

Wevers realizó'l so debú internacional en 2007 na Copa Mundial de Gante, onde remató en séptimu llugar nes barres asimétriques.[1] Arriendes algamó l'octavu llugar nel Grand Prix de Glasgow.[2] Participó en barres, barra y suelu nel Campeonatu Européu de Ximnasia Artística de 2007, pero nun se clasificó pa nenguna final.[3] Empezó'l ciclu olímpicu de 2008 col Campeonatu Européu. Los sos 14.975 puntos na barra contribuyeron al octavu llugar de Países Baxos na final por equipos.[4] Igualmente, acabó nel octavu puestu en barra de la Copa Mundial de Cottbus[5] y ganó la medaya de plata nesi aparatu na Copa Mundial de Maribor.[6] Sicasí, na Copa de Tianjin, remató en séptimu puestu.[7] Nel Campeonatu Nacional de Países Baxos, llogró'l segundu llugar nel concursu individual,[8] quintu en barres y segundu en barra y suelu.[9] Cuidao que'l so país namái pudo unviar una atleta a los Xuegos Olímpicos de Beixín 2008 y Suzanne Harmes foi escoyida, Wevers nun pudo participar nos Xuegos.[10] Na Copa de Glasgow, algamó'l séptimu llugar en suelu y ganó la medaya d'oru en barres y barra.[11] Remató la temporada de 2008 con un sestu llugar en barres y cuartu en barra na Copa DTB de Stuttgart.[12]

2009–2012[editar | editar la fonte]

Wevers nel Campeonatu Européu de Ximnasia Artística de 2015.

En 2009, participó na Moscow World Stars, onde remató en cuartu llugar de barra. Sicasí, nun foi quien a competir pol restu de la temporada por cuenta de una mancadura nel coldu.[13] Al añu siguiente, nel Campeonatu Européu, contribuyó con 13.025 puntos na barra pal séptimu llugar de Países Baxos na final por equipos.[14] Esi mesmu añu foi escoyida como integrante del equipu del so país nel Campeonatu Mundial.[15] Nes clasificaciones, Holanda acabó en novenu llugar, polo que nun clasificó a les finales.[16] En barra, realizó exitosamente un doble xiru con pierna n'horizontal, un movimientu que recibió'l so nome.[13][17] Poco dempués, tuvo una ciruxía nel costazu y, más tarde, sufrió una mancadura nel pie, torgando la so participación nos Xuegos Olímpicos de Londres 2012.[13] Tornó a les competiciones con una plata na barra d'equilibriu na Copa Mundial d'Ostrava d'esi añu.[18]

2013–2015[editar | editar la fonte]

En 2013, Wevers ganó l'oru na barra na Copa Mundial de Osijek.[19] Nuevamente, integróse al equipu neerlandés nel Campeonatu Mundial de 2013. Nesti eventu, tuvo una cayida na barra y nun avanzó a la final.[20] En xunu del añu siguiente, participó nos Nacionales, onde llogró l'oru na barra d'equilibriu y nes asimétriques, amás de rematar nel novenu llugar del concursu completu individual.[21] Más tarde, nel Campeonatu Européu de 2014, remató col so equipu na novena posición.[22] Nel Mundial d'esi añu, les neerlandeses remataron na décima posición, clasificando a un equipu completu al Campeonatu del siguiente añu.[23]

En 2015, compitió na Copa Mundial de Ljubljana. Nesa ocasión, cayó de la barra, anque remató en cuartu llugar.[24] Nel Campeonatu Européu, clasificóse a les finales de barres asimétriques y barra d'equilibriu. Nes barres llogró'l bronce y, na barra, cayó n'unu de los sos xiros y remató la rutina dempués de los 90 segundos dexaos. Remató nel octavu llugar.[25] Nel Campeonatu Mundial, ayudó al so equipu a llograr la octava posición. Individualmente, algamó la medaya de plata na barra d'equilibriu.[26]

2016[editar | editar la fonte]

En xunetu, Wevers integróse al equipu neerlandés pa los Xuegos Olímpicos de Rio de Janeiro 2016.[27] El 15 d'agostu, ganó la medaya d'oru na prueba de viga d'equilibriu con 15.466 puntos, percima de les estauxunidenses Laurie Hernandez y Simone Biles. Esta foi la primer medaya nuna prueba individual de ximnasia artística pa una ximnasta de Países Baxos.[28]

Movimientos[editar | editar la fonte]

Aparatu Nome Descripción Dificultá Notes
Barra d'equilibriu Wevers Doble xiru (720°) con «talón de la pierna llibre ad a la horizontal mientres tol xiru» E De cutiu llamáu doble xiru en L. Agregáu al Códigu de Puntos tres el Campeonatu Mundial de 2010.[17]

Referencies[editar | editar la fonte]

  1. ↑ «4th World Cup Women Gent 2007: Finals Women». Consultáu'l 16 d'agostu de 2016.
  2. ↑ «Glasgow Grand Prix 2007: Finals Women». Consultáu'l 16 d'agostu de 2016.
  3. ↑ «2nd European Individual Championship Artistic Gymnastics Women». Consultáu'l 16 d'agostu de 2016.
  4. ↑ «Women's Teams Finals - 2008 European Championships». Consultáu'l 16 d'agostu de 2016.
  5. ↑ «32th Turnier der Meister 2008: Finals Women». Consultáu'l 16 d'agostu de 2016.
  6. ↑ «4th World Cup Maribor: Finals Women». Consultáu'l 16 d'agostu de 2016.
  7. ↑ «[http://www.gymnasticsresults.com/2008/pdf/wcuptianjin2008w3bb.pdf 2008 World Cup Gymnastics: Balance Beam Final]». Consultáu'l 16 d'agostu de 2016.
  8. ↑ «Nederlands Kampioenschap Turnen Dames SENIOR». Consultáu'l 16 d'agostu de 2016.
  9. ↑ «Uitslag NK Turnen Dames 2008 Toestelfinales Senior». Consultáu'l 16 d'agostu de 2016.
  10. ↑ «Gymnastics Artistic: Women's Qualification». Consultáu'l 16 d'agostu de 2016.
  11. ↑ «[http://www.gymnasticsresults.com/2008/glasgowgpw.html Glasgow Grand Prix 2008 and World Cup Artistic Gymnastics World Cup: Finals Women]». Consultáu'l 16 d'agostu de 2016.
  12. ↑ «[http://www.gymnasticsresults.com/2008/dtb2008w.html 26th DTB Pokal Stuttgart 2008 Artistic Gymnastics World Cup: Finals Women]». Consultáu'l 16 d'agostu de 2016.
  13. ↑ 13,0 13,1 13,2 Turner, Amanda (12 de mayu de 2014). IG Online Interview: Lieke and Sanne Wevers (Netherlands). International Gymnast. http://www.intlgymnast.com/index.php?option=com_content&view=article&id=4034:ig-online-interview-lieke-and-sanne-wevers-netherlands&catid=3:interviews&Itemid=56. Consultáu'l 16 d'agostu de 2016. 
  14. ↑ «28th European Artistic Gymnastics Team Championships Juniors and Seniors: Senior Team Final». Consultáu'l 16 d'agostu de 2016.
  15. ↑ «42nd FIG Artistic Gymnastics World Championships in Rotterdam (NED) Nominative Registration - WAG». Consultáu'l 16 d'agostu de 2016.
  16. ↑ «42nd FIG Artistic Gymnastics World Championships in Rotterdam (NED): Team Results». Consultáu'l 16 d'agostu de 2016.
  17. ↑ 17,0 17,1 Códigu de Puntuación 2013 – 2016. Federación Internacional de Ximnasia.  p. 199. http://www.fig-gymnastics.com/publicdir/rules/files/mag/MAG%20CoP%202013-2016%20(FRA%20ENG%20ESP)%20July%202015.pdf. Consultáu'l 16 d'agostu de 2016. 
  18. ↑ «FIG ART Challenge Cup Grand Prix Ostrava 2012: Final Women». Consultáu'l 16 d'agostu de 2016.
  19. ↑ «ART Grand Prix Osijek 2013 Challenge cup CIII final: Balance Beam». Consultáu'l 16 d'agostu de 2016.
  20. ↑ «[http://www.gymnasticsresults.com/worlds/2013/wag/qind.pdf 44th Artistic Gymnastics World Championships in Antwerp: Individual Results]». Consultáu'l 16 d'agostu de 2016.
  21. ↑ «Medaille groep: Eredivisie Senior». Consultáu'l 16 d'agostu de 2016.
  22. ↑ «30th European Women's Artistic Gymnastics: Team Championships Seniors». Consultáu'l 16 d'agostu de 2016.
  23. ↑ «45th Artistic Gymnastics World Championships: Team Results». Consultáu'l 16 d'agostu de 2016.
  24. ↑ «FINALS - Artistic Gymnastics World Challenge Cup Ljubljana Beam». Consultáu'l 16 d'agostu de 2016.
  25. ↑ «6th European Men's and Women's Artistic Gymnastics Individual Championships». Consultáu'l 16 d'agostu de 2016.
  26. ↑ «46th Artistic Gymnastics World Championships». Consultáu'l 16 d'agostu de 2016.
  27. ↑ Turnsters Lieke en Sanne Wevers officieel naar Olympische Spelen. 10 de xunetu de 2016. http://www.rtvoost.nl/sport/default.aspx?nid=248159&_ga=1.86432216.1918141687.1468438337&_ga=1.172042083.1341566412.1471379449. Consultáu'l 16 d'agostu de 2016. 
  28. ↑ Fincher, Julia (15 d'agostu de 2016). Netherlands' Wevers outscores Hernandez, Biles to become Olympic beam queen. http://www.nbcolympics.com/news/sanne-wevers-outscores-laurie-hernandez-simone-biles-become-olympic-beam-queen. Consultáu'l 16 d'agostu de 2016. 

Enllaces esternos[editar | editar la fonte]


Predecesora:
Deng Linlin
 China 		Campeona Olímpica en viga d'equilibriu
Rio 2016 		Socesora:
-
Sacáu de «https://ast.wikipedia.org/w/index.php?title=Sanne_Wevers&oldid=4075589»