Xuegos Olímpicos de Rio de Janeiro 2016

De Wikipedia
Saltar a: navegación, buscar
Wikipedia:Artículos revisaos
El Gobiernu de Brasil sofitando la candidatura de Rio como see de los Xuegos Olímpicos.

Los Xuegos Olímpicos de Rio de Janeiro 2016,[1] oficialmente conocíos como los Xuegos de la XXXI Olimpiada, o a cencielles como Rio 2016,[2] fueron un eventu multideportivu internacional, celebráu ente'l 5 y el 21 d'agostu de 2016 na ciudá de Rio de Janeiro, Brasil. De manera conxunta van realizar en dicha ciudá los XV Xuegos Paralímpicos, ente'l 7 y el 18 de setiembre del mesmu añu.

Siete ciudaes presentaron oficialmente ante'l Comité Olímpicu Internacional los sos deseos d'acoyer esti eventu deportivu, pero tres una primer etapa d'evaluación, la llista foi amenorgada a cuatro ciudaes: Chicago, Rio de Janeiro, Madrid y Tokyo. D'estes, la ciudá brasilana de Rio de Janeiro foi escoyida'l 2 d'ochobre de 2009 a les 18:50 CEST, na 121.ª Sesión del COI, celebrada en Copenhague, Dinamarca.

La elección de Rio marcó la primer vegada en que dichu país foi designáu como see de los Xuegos Olímpicos. Amás, ye la primer vegada que se va realizar un eventu olímpicu en América del Sur, la primera nun país de fala portuguesa, la segunda nun país de Llatinoamérica (la primer edición foi México 1968), la tercer vegada que van asoceder nel Hemisferiu Sur (primeramente fueron Melbourne 1956 y Sydney 2000) y la séptima nun país del continente América (primeramente fueron Saint Louis 1904, Los Angeles 1932, México 1968, Montreal 1976, Los Angeles 1984 y Atlanta 1996). El logotipu definitivu foi diseñáu pola axencia brasileña de diseñu Tátil y foi presentáu en Copacabana enantes del fin d'añu de 2010, ante un gran ensame.[3][4]

Referencies[editar | editar la fonte]

  1. Comité Olímpicu Internacional. «Rio de Janeiro 2016» (n'inglés).
  2. «Rio 2016» (ye). Páxina oficial de los Xuegos de la XXXI Olimpiada.
  3. Diariu As (ed.): «Rio presentó'l so logotipu en Copacabana» (español) (2 de xineru de 2011). Consultáu'l 2 de xineru de 2011.
  4. Rio 2016 (ed.): «Marca dos Jogos Olímpicos Rio 2016 é lançada non Réveillon da Praia de Copacabana» (portugués) (1 de xineru de 2011). Consultáu'l 2 de xineru de 2011.

Enllaces esternos[editar | editar la fonte]


Predecesor:
Londres 2012 Bandera del Reinu Xuníu Reinu Xuníu
XXXI Xuegos Olímpicos de Branu
Rio de Janeiro 2016 Flag of Brazil.svg Brasil
Socesor:
Xuegos Olímpicos de Tokyo 2020 Flag of Japan.svg Xapón