Real Club de Tenis d'Uviéu
Real Club de Tenis d'Uviéu | |
|---|---|
 | |
| Situación | |
| Estáu | España |
| Datos | |
| Tipu | club deportivu |
| Fundáu en | 14 setiembre 1950[1] |
| Fundador |
 Antonio Martínez Vega |
|
| |
 | |
43°21′42″N 5°51′27″W / 43.361705°N 5.857499°O El Real Club de Tenis d'Uviéu ye un club deportivu priváu de la ciudá d'Uviéu nel Principáu d'Asturies fundáu en 1950 baxi la presidencia d'honor de José María Fernández-Ladreda Menéndez-Valdés y Luis Botas Rodríguez. Los promotores de la creación del club fueron importantes families de la ciudá: López-Muñiz, Linares, Alvear, Miñor y Figaredo, amás de la familia Masaveu, Fernández-Ladreda, Álvarez-Buylla, Botas, Castañón o Cavanilles.[2]
Les sos instalaciones consisten en cuatro pistes de tenis de tierra batida, dos pistes de pádel acristalaes, una cancha de frontón y un ximnasiu. Nestes instalaciones celebróse en 1950 y en 1976 el Campeonatu d'España de Tenis. En 2003 contaba con 2.200 socios titulares más les sos families.[3]
Entama importantes torneos y campeonatos de tenis en diverses modalidaes, como la Copa Masaveu, o'l tornéu internacional Copa Real Club de Tenis d'Uviéu, qu'en 2011 repartió 11.100 euros en premios.[2]
En mayu de 1985 el rei Xuan Carlos I concedió al club la denominación de Real. N'ochobre d'esi mesmu añu, la xunta directiva del club nomó al Príncipe d'Asturies Felipe de Borbón presidente d'honor de la sociedá. Cuatro años dempués el Príncipe visitó'l club y les sos instalaciones.[4]
En 2009 inauguróse l'ampliación del edificiu social, con una nueva planta de 1.400 m².[5]
Amás del tenis, el club realiza otres actividaes como ximnasia de caltenimientu o alpinismu.[6]
Enllaces esternos[editar | editar la fonte]
Referencies[editar | editar la fonte]
- ↑ «El club se inauguró en 1950 avalado por importantes familias de Oviedo» (castellanu). El Comercio. Consultáu'l 29 xineru 2024.
- ↑ 2,0 2,1 E. Casero (3 de setiembre de 2011). «Uviéu abre les sos puertes a la ATP». La Nueva España. https://www.lne.es/deportes/2011/09/03/oviedo-abre-puertas-atp-21040618.html. Consultáu'l 16 de setiembre de 2011.
- ↑ Leonor Hermoso (12 de xineru de 2003). Estos clubes no admiten a cualquiera. https://www.elmundo.es/magazine/2003/172/1042214729.html. Consultáu'l 11 de setiembre de 2011.
- ↑ Real Club de Tenis d'Uviéu. «Historia». Consultáu'l 11 de setiembre de 2011.
- ↑ «El club se inauguró en 1950 avalado por importantes familias de Oviedo».
- ↑ Puntodeset.com. «Real club de Tenis d'Uviéu». Consultáu'l 11 de setiembre de 2011.
