Ríu del Oru

De Wikipedia
Saltar a navegación Saltar a la gueta

El ríu del Oru ye un curtiu ríu del suroccidente asturianu, d'aprosimao 20 km.

Naz na aguada sur de la Sierra del Palu, nel conceyu d'Ayande, per onde escurre gran parte del so percorríu, d'este a oeste. Finalmente, entra nel conceyu de Grandas de Salime pa desaguar nel ríu Navia. Los últimos metros del so cursu atópense embalsaos por cuenta del banzáu de Salime.

Debi'l so nome a les esplotaciones auríferes esplotaes en dómina romana.

El so principal afluente ye'l ríu Valledor, que les sos agües recibe pela esquierda.

La trucha ye una especie habitual del ríu del Oru.