Central hidroeléctrica de Grandas de Salime

De Wikipedia
Saltar a navegación Saltar a la gueta
Central hidroeléctrica de Grandas de Salime
Alto de Grandas de Salime.jpg
Llocalización
Llugar físicu Ríu Navia
Coordenaes 43°14′13″N 6°50′46″O / 43.237°N 6.846°O / 43.237; -6.846Coordenaes: 43°14′13″N 6°50′46″O / 43.237°N 6.846°O / 43.237; -6.846
Central hidroeléctrica de Grandas de Salime is located in España
Central hidroeléctrica de Grandas de Salime
Central hidroeléctrica de Grandas de Salime
Central hidroeléctrica de Grandas de Salime (España)
Historia y usu
Apertura1946
Llargor [convert: unknown unit] m.
Cambiar los datos en Wikidata

La Central hidroeléctrica de Grandas de Salime o Banzáu de Salime, ta asitiada sobre'l ríu Navia na faza de Grandas de Salime, (Asturies).

Historia[editar | editar la fonte]

Foi construyida pola compañía Saltos del Navia en Comunidad que yera una co-participación de Hidroléctrica del Cantábrico, S.A. y Electra de Viesgo, S.A.

Entamara'l proyeutu nos años inmediatamente siguientes al final de la segunda guerra mundial y construyóse ente 1948 y 1953, inaugurándose en 1954. N'aquelles dates yera la más grande d'España y la segunda d'Europa.

Pa construyila tuvieron que se pasase torgues pergrandes. Asturies taba enllamorgada na miseria y sufría l'embargu que taben dando a España les potencies vencedores na guerra mundial. Esti proyeutu yera un suañu cásique irrealizable y sicasí completóse en 1954 pesie a la escasez de medios. Anque les Naciones Xuníes decretaren l'embargu al réxime de Franco, Inglaterra suministró en secretu les turbines y xeneradores.

Les obres preparatories y accesories foron d'enorme envergadura. Construyéronse túneles pa desviar el ríu, ataguíes, almacenes, carreteres, planos enclinaos, un teleféricu pa tresporte de clinker de 36 Km. de llonxitú que llegaba hasta'l puertu de Navia, molinos de clinker, etc. Traxéronse unos 3500 obreros d'otres zones del estáu, principalmente d'Andalucía, y construyéronse varios poblaos p'agospiar a les sos families. Caltenelos alimentaos yera un problema nesos años d'escasez. Aproximao 100 trabayadores perdieron la vida n'accidentes de trabayu demientres la construcción del banzáu. Ye una obra almirable en cualquier casu pero munchu más si tenemos en cuenta les condiciones nes que se fexo.

Dientro de la Central puede vese un mural que fuera pintáu en 1955, en collaboración, por Joaquín Vaquero Palacios y Joaquín Vaquero Turcios.

Coordenaes en Google Earth: 43.23619 -6.84778

Carauterístiques téuniques[editar | editar la fonte]

Güei pertenez a Hidrocantábrico que da les vinientes cifres:

Carauterístiques enerxétiques
Potencia instalao: (MW) 112
Enerxía producible n'añu mediu: 350.000 MWh
Númberu de grupos: 4
Caudal máximu d'Equipamiento: 152 m³/s

Carauterístiques físiques
Saltu netu mediu: 114 m
Volume útil del basáu: (Hm3) 239,5
Mena de Banzáu: Gravedá de planta curva
Mena de central: Pie de banzáu n'esterior
Númberu d'Alternadores: 4
Mena de turbina: Francis vertical

Enllaces esternos[editar | editar la fonte]