Ríu Beón

De Wikipedia
Saltar a navegación Saltar a la gueta
Ríu Beón
Situación
PaísBandera d'España España
AutonomíaFlag of Asturias.svg Principáu d'Asturies
Tipu ríu
Datos
Cambiar los datos en Wikidata

El ríu Beón ye un ríu de la fastera oriental d'Asturies. Ñace na parroquia cabraliega de Puertas y, dempués de formar un escobiu pel que se comuniquen Llanes y los conceyos del interior (Onís, Cabrales), entra nel conceyu llaniscu. Percuerre delles de les parroquies de la so zona central pa dir morrer a la playa de San Antolín, na parroquia de Posada.

El ríu ñaz cerca de la vega cabraliega de Tresbrandi, na falda septentrional d'El Picu'l Cantu, y baxa hacia l'oeste per tierres de L'Escobal, na parroquia cabraliega de Puertas. Nesa zona llámenlu ríu Muñumbreru y ríu Cerezu, como los caseríos que va atopando nel so camín hacia'l mar. Pasáu El Cerezu cambia de direición, y fluye hacia'l norte formando, al so pasu, l'escobiu del ríu Las Cabras, que ye'l nome que se-y da a esti ríu nel tramu que va dende La Robellada (Onís) hasta Meré (Llanes). L'escobiu, fondu y pindiu, aprovéchase pa comunicar, cola carretera AS-115, les tierres interiores de Llanes colos conceyos más interiores. En llegando al pueblu de Meré acaba la garganta y el ríu, a pasu más seliquino, va siguir camín del mar bañando les vegues de Meré (aú lu llamen ríu de Meré) y Torrevega (aú lu llamen ríu de Vega). Ente esos dos pueblos recibe, pela mandrecha, les agües d'un regatu, conocíu como ríu Caldueñu, que baxa del pueblu de Caldueñin.

Nel so últimu tramu al ríu yá-y llamen ríu Beón, y con esi nome pasa per La Puentenueva (ú recibe, pela manzorga, les agües del ríu Riensena), Vibañu y Rales. Nesi trayeutu va recoyendo l'agua de dellos regatos que-y aporten el so caudal definitivu. Con elli percuerre L'Agüera de Turancias y pasa a la vera del caseríu de Samartín p'acabar desembocando al mar Cantábricu na playa de San Antolín.

Referencies[editar | editar la fonte]

Enllaces esternos[editar | editar la fonte]