Quark embaxo

De Wikipedia
Saltar a: navegación, buscar
Quark embaxo (d)
Clasificación
Partícula elemental
Fermión
Quark
Primer xeneración
Quark embaxo
Propiedaes
Masa: 7,13 - 14,26 · 10−30 kg 
4 - 8 MeV/c2
Carga eléctrica: y
Carga de color: Color
Espín:
Vida media: Estable
Antipartícula: Antiquark embaxo (
 Interacciona con: Gravedá
Interacción débil
Electromagnetismu
Interacción fuerte

El quark embaxo (o quark d del inglés "quark down") ye una partícula elemental que pertenez a la primer xeneración de quarks. Tien una carga eléctrica igual a −⅓ de la carga elemental[1] y un espín de ½, colo cual ye un fermión y cumple el principiu d'esclusión de Pauli. Xuntu col quark enriba y los electrones, forma tola materia que podemos ver y de la que tamos fechos, gracies a qu'éstes tres partícules son estables y non se desintegran o aparren más.

Como tolos quarks, el quark embaxo tien carga de color, y siente la interacción fuerte por aciu la emisión y absorción de gluones. Los quarks embaxo tienen carga colorada, verde o azul; y los antiquarks embaxo tienen carga antirroja, antiverde o antiazul. Al sentir esta interacción nun s'atopa a ésta partícula aisllada, atópase formando hadrones con unu o dos quarks más. La mayoría de masa de los hadrones que se formen vien de la enerxía del campu de color (enerxía y masa son lo mesmo: Y=mc²), y non de los mesmos quarks.

La esistencia de los quarks enriba y embaxo foi postulada por Murray Gell-Mann y George Zweig en 1964, cuando desenvolvieron el modelu de quarks; y la primer evidencia de los quarks embaxo foi nos esperimentos llevaos a cabu nel SLAC en 1967.

Hadrones que contienen quarks[editar | editar la fonte]

  • Mesones:
    • Los piones cargaos (π±) tienen un quark o un antiquark embaxo, y el pion neutru (π0) una combinación llineal de dambos.
    • El kaón neutru (κ0) tien un quark embaxo, y el antikaón neutru'l antiquark embaxo. Los kaones neutros curtiu y llargu (κ0S y κ0L) son combinaciones llineales con quarks y antiquarks embaxo.
    • Les partícules eta (η) y eta prima (η') son combinaciones llineales qu'inclúin quarks embaxo y les sos antiquarks.
    • Los mesones rho±) tienen la mesma composición que los piones cargaos pero la partícula compuesta ye de espín 1 en llugar de 0.
    • Los mesones D cargaos (D±) y los mesones B neutros (B0) tamién inclúin quarks y antiquarks embaxo.
  • Bariones:
    • El protón (p) ta formáu por un quark embaxo y el neutrón (n) por dos.
    • Los bariones delta positivu (Δ+), neutru (Δ0) y negativu (Δ) contienen unu, dos y trés quarks embaxo respectivamente.
    • La partícula lambda neutra (Λ0), según les partícules lambda positiva encantada (Λ+c) y lambda neutra inferior (Λ0b) tán formaes por un quark embaxo.
    • Les partícules sigma neutra (Σ0) y sigma negativa (Σ) tán formaos por unu y dos quarks embaxo respectivamente.
    • Les partícules xi negativa (Ξ) y xi neutra encantada (Ξ0c) tienen un quark embaxo.
    • Les antipartícules de los bariones anteriores contienen los antiquarks embaxo.

Ver tamién[editar | editar la fonte]

Referencies[editar | editar la fonte]

  1. «Diccionariu Nuclear». Consultáu'l 12 de marzu de 2017.



Quark abajo