Pueblu Lavanda

De Wikipedia
Saltar a navegación Saltar a la gueta

Pueblu Lavanda (Xaponés: シオンタウン Hepburn: Shion Taun, Shion Town) ye un pueblu ficticiu de los videoxuegos Pokémon Coloráu y Azul. Estilizado como una llocalización encantada, el Pueblu Lavanda ye llar d'un campusantu d'estilu xaponés. La Música de videoxuegos música de fondu del Pueblu Lavanda ye reconocida pol ambiente misteriosu qu'añede al pueblu, y produció el creepypasta del Síndrome del Pueblu Lavanda, que suxure que más de cien neños xaponeses cometieron suicidiu dempués d'escuchar a la pista d'audiu.

Conocencia[editar | editar la fonte]

El Pueblu Lavanda ye un pueblu bien pequeñu que puede ser visitáu en Pokémon Coloráu, Azul, Mariellu, Oro, Plata, Cristal y remakes del mesmu. Ye llar de la "Torre Pokémon", un campusantu d'estilu xaponés llenu de cientas de tumbes pa los Pokémon difuntos. D'ende, suxúrese que'l pueblu sía un llugar encantáu, y el personaxe xugador puede atopase con Pokémon de tipu pantasma, según la pantasma d'un Marowak, que foi asesináu pol Team Rocket, dexando un Cubone güérfanu. La Torre Pokémon foi reemplazada pola "Torre radiofónica de Kanto" en Pokémon Plata y Oru. El Pueblu Lavanda tamién ye'l llar del "Inspector de nomes", que dexa que los xugadores camuden el llamatu de los sos Pokémon, y una casa de cuidos para Pokémon abandonaos.[1]

La Torre Pokémon fai una apaición na primer temporada de la serie anime Pokemón, cuándo los sos personaxes principales busquen Pokémon de tipu pantasma pa una batalla de ximnasiu difícil. El Pueblu Lavanda tamién apaez nes series manga Pokémon Adventures y The Electric Tale of Pikachu.

Música y el Síndrome del Pueblu Lavanda[editar | editar la fonte]

La Música de videoxuegos música de fondu del Pueblu Lavanda llográu enforma interés por cuenta del so soníu horripilante. Listandóla como la segunda pista de videoxuegos mas tenebrosa en 2012, Brittany Vincent de Bloody Disgusting declaró que la melodía "engañosamente calma ... tien un puestu altu nes memories terroríficas de la mayoría de gamers." La música del Pueblu Lavanda, compuesta por Junichi Masuda, combina soníos chiptune agudos con "un desfile d'acordes desafinaos" pa crear una atmósfera misteriosa.[2] Jay Hathaway de Gawker declaró que poniendo la música en bucle puede causar un "sentíu imprecisu de medrana".

Según una hestoria creepypasta que foi anónimamente xubida a Pastebin en 2010, la música del Pueblu Lavanda causó'l suicidiu de más de 100 neños xaponeses na primavera de 1996. Otros presuntamente carecíen sangráu de ñariz, dolores de cabeza, o se volvíen irracionalmente enoxaos. Según esta lleenda urbana, ritmos binaurales de tonu alto se metán colos celebros de los neños nuna manera de la que los adultos yeren inmunes. Esto creaba la enfermedá bautizada como "el Síndrome del Pueblu Lavanda" y l'hestoria orixinal foi viral dempués de ser estendida en sitio web d'interés xeneral como 4chan. Delles persones añedieron detalles pa faer la hestoria más convincente col tiempu, como col Photoshopping d'imáxenes de pantasmes a salíes del espectrograma de la música del Pueblu Lavanda.[3] Mark Hill de Kill Screen declaró que l'apelación de la lleenda del Síndrome del Pueblu Lavanda "vien de malvar un símbolu inocente de la niñez," y dibuxó comparances con "Dennō Senshi Porygon", un episodiu de les series anime Pokémon que dio ataques epilépticos a cientos de neños xaponeses.[4][5]

Teoría de siguidores[editar | editar la fonte]

El personaxe xugador puede batallar con el so rival, Azul, na Torre Pokémon. El siguidores de la serie notaron que'l Raticate de Blue, un Pokémon qu'utiliza pa cada batalla hasta aquel puntu, nun apaez nesta llucha o confrontaciones subsiguientes. Esto lleva a los siguidores a especular que'l Pokémon d'Azul morriera nuna batalla anterior y qu'Azul vinu a la Torre Pokémon pa llamentar la muerte de la so Raticate y soterralo.[6]

Referencies[editar | editar la fonte]

  1. Nieves, Ravael (29 de febreru de 2012). «Stage Select: Lavender Town (Pokémon)». Nintendo Blast. Archiváu dende l'orixinal, el 20 d'abril de 2017.
  2. MolotovCupcake (31 de xunetu de 2012). «The 10 Scariest Video Game Music Tracks». Bloody Disgusting. Archiváu dende l'orixinal, el 20 d'abril de 2017.
  3. Hathaway, Jay (12 de marzu de 2015). «Lavender Town: The Bizarre Pokémon Child-Suicide Conspiracy Theory». Gawker. Archiváu dende l'orixinal, el 21 d'ochobre de 2016.
  4. Hill, Mark (25 de febreru de 2016). «The Lingering Appeal of Pokémon's Greatest Ghost Story». Kill Screen. Archiváu dende l'orixinal, el 14 de marzu de 2016.
  5. Hernandez, Patricia (23 d'ochobre de 2015). «Pokémon's Creepy Lavender Town Myth, Explained». Kotaku. Archiváu dende l'orixinal, el 25 de febreru de 2017.
  6. Roncero-Menendez, Sara (12 d'ochobre de 2013). «The 10 Most Bizarre Pokémon Fan Theories». Mashable. Archiváu dende l'orixinal, el 20 d'abril de 2017.

Enllaces esternos[editar | editar la fonte]