Protectoráu del Sarre

De Wikipedia
Saltar a navegación Saltar a la gueta
Saarprotektorat
Protectorat de Sarre

Protectoráu del Sarre

Protectoráu de Francia

Bandera

1947-1956

Flag of Germany.svg

Bandera de Sarre

Bandera

Llocalización de Sarre
Fronteres d'Alemaña en 1949, Sarre en púrpura.
Capital Sarrebruck
Gobiernu República
Historia
 • Afitáu 15 d'avientu de 1947
 • Referendu estatutu 23 d'ochobre de 1955
 • Tratáu del Sarre 27 d'ochobre de 1956
Moneda Marcu del Sarre
(1947-1948)
Franco del Sarre (1948-1959)
Fronteres d'Alemaña a la fin de la II Guerra Mundial (1949), el protectoráu del Sarre n'azul celeste.

El protectoráu del Sarre (n'alemán: Saarprotektorat; en francés: Protectorat de Sarre) foi un territoriu d'Alemaña que tuvo baxu control francés ente los años 1947 a 1956, y que correspuende al actual tao federáu alemán del Sarre.

Historia[editar | editar la fonte]

Antecedentes: Primer periodu de Protectoráu[editar | editar la fonte]

Según el Tratáu de Versalles de 1919, el Sarre quedaba so gobiernu de la Sociedá de Naciones alministráu por Francia, mientres un periodu de 15 años a cuntar dende 1920, como compensación de les perdes sufiertes pel país galu mientres la guerra.[1] Tres los 15 años, realízase un referendu sobre'l futuru de la rexón, onde la opción de la vuelta a Alemaña llogra'l 90% del escrutiniu, pasando a formar parte de la Alemaña Nazi.[2]

Segundu periodu de Protectoráu[editar | editar la fonte]

Tres la Segunda Guerra Mundial, Sarre vuelve a dominiu francés dempués de la so ocupación por mandatu de Naciones Xuníes. Celebraes les primeres eleiciones tres la guerra en 1947, el parllamentu vota la unión a Francia so la figura d'un protectoráu, col nome d'Unión económica ente Francia y El Sarre».[3]

En 1954, Francia y Alemaña alcuerden en París l'establecimientu d'un estatutu pal Sarre, definiendo la rexón como territoriu européu, con vistes a la posibilidá d'allugar la capital de les distintes comunidaes europees qu'acabaríen derivando na actual XE.

Aprobáu l'estatutu pol parllamentu, l'estatutu ye votáu en referendu, ganando la opción del Non, pese al sofitu del canciller alemán Konrad Adenauer. Debíu al fracasu de la negativa del estatutu, el Primer Ministru francés Guy Mollet y Adenauer alcuerden en Luxemburgu que Sarre vuelva formar parte d'Alemaña, produciéndose'l 1 de xineru de 1957.[4]

Deportes[editar | editar la fonte]

El protectoráu del Sarre participó nos Xuegos Olímpicos de Helsinki, y l'equipu nacional de fútbol llegó a tomar parte nes eliminatories pa la Copa Mundial de 1954, teniendo qu'enfrentase a la Alemaña Occidental, pero nun se clasificó. Tres la incorporación a Alemaña, los sos combinaos deportivos incluyéronse dientro del conxuntu alemán.

Ver tamién[editar | editar la fonte]

Referencies[editar | editar la fonte]

  1. El Tratáu de Versalles
  2. La política xermana, 1931-1935 Historiasiglo20.org
  3. M. J. Álvarez Pantoja. «Sarre, el (saarland) II. Hestoria.». Gran Enciclopedia Rialp. Ediciones Rialp S.A idioma español. Archiváu dende l'orixinal, el 28 de mayu de 2006. Consultáu'l 1991.
  4. «El lleones de Sarrebruck» (español). Deutsche Welle 05.11.2003. Consultáu'l 2 de payares de 2007.

Enllaces esternos[editar | editar la fonte]







Protectorado del Sarre