Preposición

De Wikipedia
Saltar a navegación Saltar a la gueta
Mapa qu'amuesa la distribución xeográfica de los distintos tipos de adposiciones; en colloráu, les llingües con preposiciones, n'azul les llingües con postposiciones.

La preposición ye la clase de pallabra invariable qu'introduz el llamáu sintagma preposicional. Les preposiciones xeneralmente tienen la función d'introducir adxuntos, y n'ocasiones tamién complementos obligatorios amestando'l nome o sintagma nominal al que precieden darréu con un verbu o otru nome que les antecede. En delles llingües les preposiciones puen nun encabezar un sintagma preposicional, como n'inglés, onde inclusive puen apaecer a la fin de la frase.

Considerando les distintes llingües del mundu, la preposición ye un tipu de adposición que se caracteriza por apaecer típicamente de primeres del constituyente sintácticu al qu'afecta; asina por casu, la pallabra equivalente qu'apaez detrás y non delantre llámase posposición.