Adposición

En llingüística, adposición ye un términu xenéricu pa referise a partícules gramaticales como les preposiciones, postposiciones y circumposiciones.

Preposiciones y postposiciones

Les llingües del mundu xeneralmente tienen o bien preposiciones o bien postposiciones, y más raramente tienen dellos tipos de adposiciones. Esiste una importante correllación estadística nel tipu de adposiciones que tien una llingua:

Les llingües Suxetu Oxeto Verbu (SOV), como'l turcu, el xaponés o'l eusquera suelen tener postposiciones.
Les llingües Verbu Suxetu Oxetu (VSO) o Suxetu Verbu Oxeto (SVO) tienen con mayor frecuencia preposiciones. Anque tamién esisten llingües predominantemente SOV como'l llatín que tien preposiciones en llugar de posposiciones.
Nes llingües Suxetu Verbu Oxeto (SVO) tamién predomina l'usu de preposiciones, anque la correllación nun ye tan alta como nos casos anteriores.

Circumposiciones

Otru tipu de adposiciones como les circumposiciones son menos frecuentes y xeneralmente son construcciones analítiques formaes por dalgún tipu de adposición xenuina y dalguna otra partícula:

inglés: from now on. ('d'equí d'equí p'arriba', llit. "dende agora de cutio")
holandés: naar het einde toe. ('hasta'l final', llit. "hasta'l final hasta")
mandarín: 从冰箱里。 cóng bīngxīang lǐ ('dende dientro del refrixerador', llit. "dende refrixerador dientro")
francés: à un détail près ('sacante por un detalle', llit. "por un detalle cerca")

Otres adposiciones

Una ambiposición ye un tipu d'elementu que puede dir antes o dempués de la pallabra indiferentemente.
Una imposición ye una adposición interna.
Dacuando llamóse interposición al usu de preposiciones nos siguientes contestos: día ente día, hora a hora, añu tres d'añu, etc.

Referencies

Enllaces esternos

Wikimedia Commons tien conteníu multimedia tocante a Adposición.