Piscis

Piscis
Abreviatura	Psc
Símbolu
Significáu	el Pexe (plural)
Xenitivu	Piscium
Ascensión reuta	1 h
Declinación	-15°
Visible pa llatitúes	Ente+90° y -65°
Meyor visible en/n'	Payares
Númberu d'estrelles con magnitú aparente < 3	0
Estrella más rellumante  - Magnitú aparente	η Psc 3,6
Lluvia de meteoritos	Piscids
Constelaciones que llenden	Triangulum Andrómeda Pegasu Acuariu Cetus Aries

Piscis (los pexes) ye una constelación del zodiacu allugada ente Acuariu pel oeste, y Aries haza'l este.

La so estrella principal ye la estrella alfa "Alrischa", una estrella duble que'l so nome remanez del árabe, col significáu de reyu, cuerda.

Mitoloxía

L'astrónomu griegu Eratóstenes (nacíu nel añu 276 edC.) fala de que'l orixe del simbolismu del pexe ta en Derke, una diosa siria, que yera metá pexe, metá muyer.

Los romanos crearon la idea de la diosa pexe nel mitu de Venus y el so fíu Cupidu (na mitoloxía griega, Afrodita y Eros). Estes dos figures mitolóxiques foren sosprendíes pol monstruu Tifón, pero Venus sabía que podíen fuxir pel [àgua]]. Garró a Cupidu y somorguiose, au dambos tresformáronse en pexes. P'asegurase de que nun se separtaben, xuniéronse con un reyu. Nel cielu vese, a la má y al fíu, xuníos col reyu.

Estrelles Principales

• Alrischa.El so nome quier dicir "reyu, cuerda". Tien una distancia de 139 años luz al Sol. Ye una estrella duble, la estrella principal tien una magnitú de +4.33 y pertenez al tipu espectral A0, la so compañera ye de +5.23 y pertenez a la clase espectral A3.

• Beta Piscium (β Psc / β Piscium). Tamién tien el nome de Fum al Samakah, árabe pa "focicu del pexe".

β Psc remanez d'una clase espectral B6Ve y ye de magnitú +4.53m. Ta aprosimadamente a 492 años lluz del Sol.

• Eta Piscium (η Psc / η Piscium) ye la estrella que más relluma na constelación de Piscis. Eta Piscium ta allugada a una distancia aprosimada de 294 años lluz de la Tierra y brilla a una magnitú de +3.62. Esta estrella ye de tipu espectral G7 III. La estrella tien un escuru nome dau pol reinu de Babilonia Kullat Nunu.

• Omicron Piscium (ο Psc / ο Piscium) llocalizada a unos 142 años lluz de la Tierra. Tien una magnitú aparente de +4.26 y ye tipu espectral G8. La estrella tamién tien el nome de Torcularis septentrionalis.