Pena capital en China
La República Popular China alministra anguaño la pena capital por una variedá de crímenes, anque la mayoría de los xuicios son pa casos d'asesinatu agraváu, sobornu o tráficu de drogues a gran escala. China atópase percima de tolos países n'execuciones, anque dellos países, como Irán o Singapur, tienen mayores tases d'execución per cápita. L'artículu 49 del códigu penal chinu prohibe explícitamente la pena de muerte a criminales con menos de 18 años al cometer el crime.[1] Amás, la pena capital puede aplicase en casos de sobornos.[2][3]
La pena de muerte ye illegal en Ḥong Kong y Macáu, una y bones estes ciudaes tienen distintes juridicciones pol principiu d'un país, dos sistemes.
Procedimientu[editar | editar la fonte]
En comparanza con otros países desenvueltos, les sentencies de muerte llévense a cabu rápido. Dempués d'un primer xuiciu realizáu por un Tribunal Popular Entemediu que concluyera en pena capital, tien de siguir un sistema de doble proceso d'apelación. La primer apelación ye llevada a cabu por un Tribunal Cimeru Popular, y dende 2007, la segunda apelación ye realizada por un Tribunal Popular Supremu de la República Popular China en Beixín. La execución produzse pocu tiempu dempués. Como resultáu de les sos reformes, el gobiernu chinu informó, que'l Tribunal Popular Supremu revocó'l 15 per cientu de les sentencies de muertes dictaes polos tribunales cimeros nel primer semestre de 2008. Nun curtiu informe en mayu, el New China News Agency informó, al traviés de fontes anónimes, de que los tribunales chinos dictaron un 30 per cientu menos de sentencies de muerte en 2007 en comparanza con 2006.[4]
Anguaño China usa dos métodos d'execución. El más común ye'l fusilamiento, que consiste nun únicu disparu d'un fusil d'asaltu con una bala de punta bueca na cabeza mientres el reu esta arrodillado [ensin referencies] o nel corazón. La inyeición letal empezó a ser usada en 1997. Llevar a cabu tantu en llugares fixos como en furgonetes que fueron modificaes pal so usu como unidaes d'execución móviles. Como la inyeición letal ta siendo cada vez más común, intensificóse l'alderique sobre usala pa executar a altos funcionarios condergaos per corrupción y pa criminales comunes, o executar a estos postreros por fusilamiento. La opinión pública piensa que la inyeición ye la manera más fácil pal condergáu de morrer.
Nel pasáu cobraba una "factura de la bala" (子弹费) a los parientes del condergáu.[5]
Cola reforma penal de 2011, los 68 delitos capitales pasaron a ser 55, en 2015 en plena modernización de la llei penal, aprobóse una enmienda a la llei Criminal pola que s'esanicia la pena de muerte pa otros nueve crímenes, ente ellos el contrabandu d'armes o dineru falso, el proxenetismu y tratar de persones con propósitos d'esplotación sexual.[6]
Según el diariu Beijing Waibao, citando fontes del Ministeriu de Sanidá, ente'l 60 y el 70% de los órganos tresplantaos en China provienen de "criminales executaos". La Llei china dexa la estracción post mortem de los sos órganos tres la so execución namái si'l condergáu haber autorizáu por escritu, anque la prensa china critica n'ocasiones la esistencia de presiones.
Tases d'execución[editar | editar la fonte]
Según los númberos confirmaos, la tasa d'execuciones en China ye más alta que nos Estaos Xuníos y Paquistán, anque Irán executa más prisioneros. El númberu d'execuciones amenorgóse significativamente desque'l Tribunal Popular Supremu recuperó'l poder de revisar toles condenes a muerte en 2007; por casu, la Fundación Dui Hua envalora que China executó a unes 12,000 persones en 2002, 6,500 persones en 2007 y aproximao 2,400 en 2013 y 2014. Daes les estimaciones conservador y variable de les execuciones en China, les execuciones en China representa más del 58% en 2009 y el 65% en 2010 de los de tol mundu.
Referencies[editar | editar la fonte]
- ↑ «Llei penal de la República de China» (inglés). Archiváu dende l'orixinal, el 3 d'agostu de 2010.
- ↑ «sobornos Pena capital pa exdirectivo de China Mobile por sobornos». La República. 30 d'agostu de 2011. http://larepublica.pe/30-08-2011/pena-capital-pa-exdirectivo-de-china-mobile-por sobornos. Consultáu'l 20 de setiembre de 2015.
- ↑ «Árbitru chinu que dirixó nel Mundial 2002 podría ser condergáu a muerte por corrupción - El Comercio (Perú)» (castellanu).
- ↑ China's Capital Cases Still Secret, Arbitrary
- ↑ "«High Tide of Terror» (inglés]). Time (5 de marzu de 1956).
- ↑ «China: esanicien pena de muerte pa 9 tipos de delitos». Ámbitu. 31 d'agostu de 2015. http://www.ambito.com/noticia.asp?id=805525. Consultáu'l 20 de setiembre de 2015.
