Península de Yamal
| Península de Yamal | |
|---|---|
 | |
| Situación | |
| País |  Rusia |
| Óblasts | Tiumén (es)  |
| Distritos autónomos | Distritu Autónomu de Yamalia-Nenetsia |
| Distrito municipal (es) | Yamalsky District (en) |
| Tipu | península |
| Asitiáu en | Mar de Kara |
| Coordenaes | 70°40′15″N 70°08′12″E / 70.6709°N 70.1367°E |
  Península de Yamal Península de Yamal (Rusia) | |
| Datos | |
 | |
La península de Yamal (rusu: полуостров Ямал), ye una península que s'interna nel océanu Árticu, alcontrada al noroeste de Siberia, nel distritu autónomu de Yamalo-Nénets, en Rusia. Ta bien próxima a la península de Guida.
Xeografía[editar | editar la fonte]
La península de Yamal, d'unos 120.000 km², intérnase aproximao unos 700 km nel mar, en direición sur-norte, bordiada, al oeste, pol mar de Kara —en concretu, l'área de la badea de Baydarátskaya— y al este, peles agües del perllargu golfu de Obi. Na llingua de los sos habitantes indíxenes, los nenets, «Yamal» significa «voi al bañu».
La península ta compuesta principalmente de permafrost y xeolóxicamente ye un llugar bien nuevu —delles zones podríen tener menos de 10.000 años.
Yamal tien les mayores reserves de gas natural de Rusia. El depósitu Bovanénkovskoye ta previstu que sía desenvueltu pol monopoliu rusu de gas, Gazprom, en 2011-2012, una circunstancia que puede faer apeligrar el futuru de la cría de renos nómades.
Fauna[editar | editar la fonte]
.jpg)
La península de Yamal ye'l llugar onde se caltién meyor la cría tradicional a gran escala de renos de tola Federación Rusa. Na península, dellos miles de pastores nómades, nenets y jantys, llenden unos 500.000 renos domésticos. Asina mesmu, Yamal ta habitada por un ensame d'especies d'aves migratories.
La tundra d'esta rexón (al pie de la de la cercana península de Guida) constitúi una ecorrexón de la World Wide Fund for Nature: Tundra de les penínsules de Yamal y Guida.
Paleontoloxía[editar | editar la fonte]
Na península, nel branu de 2007, un pastor de renos atopó los restos bien calteníos d'un mamut, d'hai unos 37.000 años. L'exemplar yera una fema, una cría de seis meses nel momentu del fallecimientu.
Ver tamién[editar | editar la fonte]
Referencies[editar | editar la fonte]
- (n'inglés) Artículu sobre la historia de los restos del mamut atopáu na península, nel NY Times de 11 de xunetu de 2007, disponible en: [1]
Referencies[editar | editar la fonte]
Enllaces esternos[editar | editar la fonte]
Datos: Q488266
Multimedia: Yamal Peninsula