Peñatú

Coordenaes: 43°23′35″N 4°41′24″W / 43.3931°N 4.69°O / 43.3931; -4.69
De Wikipedia
Peñatú
Bien d'Interés Cultural
Peña (es) Traducir y monumentu
Llocalización
País España
Autonomía Principáu d'Asturies
Provincia provincia d'Asturies
Conceyu Llanes
Coordenaes 43°23′35″N 4°41′24″W / 43.3931°N 4.69°O / 43.3931; -4.69
Peñatú alcuéntrase n'Asturies
Peñatú
Peñatú
Peñatú (Asturies)
Patrimoniu
BIC RI-51-0000294[1]
Cambiar los datos en Wikidata

Peñatú ye un ídolu allugáu en Puertas, Vidiago, conceyu de Llanes n'Asturies.

El conxuntu neolíticu de pintures y grabaos apaecen reflexaos na cara empobinada a llevante d'esta peña asitiada na finalización de la Sierra Plana de la Borboya, esta situación de les pintures fai que la roca forme un abrigu natural pa les pintures lo que fizo posible el so caltenimientu hasta los nuesos díes, calteniéndola de los rigores meteorolóxicos.

La roca ye conocida dende l'antigüedá polos habitantes de los pueblos cercanos magar nun ye hasta 1914 cuando se realicen les primeres investigaciones arqueolóxiques de la roca, destacando dende'l primer momentu la figura que da nome al enclave: l'Ídolu.[2]

Pintures[editar | editar la fonte]

Imaxe de les pintures de la peña .

Les pintures tán realizaes en color acoloratáu y representen de forma esquemática figures humanes, de les que puede #destacar una na que lleva una especie de cayáu. Distintos puntos coloraos que la so interpretación anguaño ye desconocida. Dientro d'esti grupu de pintures munches d'elles anguaño casi sumíes o con trazos bien sonces tópase tamién la figura d'un animal cuadrúpedu.

Les pintures entemécense con distintes cruces grabaes na roca feches na dómina de la cristianización pa consagrar les figures paganes.

"Esto significa que la tribu nun yeren nomaes, una y bones el fechu de dibuxalos significa honor a la collecha..."

Ídolu y puñal[editar | editar la fonte]

Detalle del ídolu y del puñal.

Magar les pintures son de menor importancia por cuenta de la so modesta realización, lo que destaca del conxuntu ye l'Ídolu y el so puñal. L'ídolu ye un exemplu estraordinariu d'arte qu'oldea col restu del conxuntu. Trátase d'una figura d'un metro diez centímetros d'altu representando la figura antropomorfa d'una persona envuelta con una túnica o un ropaje decoráu con rectes, trazos curtios y llinies en zig zag. El conxuntu remata con un tocáu con llinies que salen d'él a manera de flecos.

De la figura humana refléxense namái los güeyos, la ñariz y el pie esquierdu.

A la izquierda del ídolu alcuéntrase dibuxáu un puñal escontra baxo. Según créese esto indícanos que la figura fai referencia al enterramientu d'un home que'l so cargu dientro de la tribu sería la d'un gran guerreru o xefe. De fechu casi na base de la roca atopa una cuévanu que pudo ser usada pa tal fin.

La creencia de que'l conxuntu trátase d'un monumentu mortuorio vese reforzada pola esistencia d'una serie de túmulos y tumbes prehistóriques na sierra.

Una posible interpretación simbólica del conxuntu ye la siguiente: La roca representaría a un dragón o cuélebre que semara la medrana ente los paisanos. Nesti conxuntu taría soterráu'l guerreru que-y dio muerte, y qu'apaez grabáu na roca col so balobru y l'arma col que s'enfrentó.

Aula didáctica[editar | editar la fonte]

Anguaño esiste una aula d'interpretación del monumentu al entamu del senderu que nos lleva al visu n'ónde s'atopa la roca.

Anguaño permanez cerrada sacante grupos. Pa visitala hai que contautar cola oficina de turismu de Llanes.

Dichu aula constitúi un grave bagazu de dineru per parte del conceyu de Llanes yá que nun s'utiliza, nin se caltién y esta cayendo.

Edifico nel que s'alluga'l centru d'interpretación.

Referencies[editar | editar la fonte]

  1. «base de datos de monumentos de Wiki Loves Monuments» (13 payares 2017).
  2. Fonte Conseyería d'Educación y cultura del Principáu d'Asturies

Enllaces esternos[editar | editar la fonte]