Paralelogramu

Les cuatro tribes de paralelogramos. Nel sen dextróxiru, (de les aguyes del reló): cuadráu, rombu, romboide y rectángulu. El cuadráu y el rectángulu son paralelogramos rectángulos, metantu que los otros dos son paralelogramos non rectángulos.

Un paralelogramu ye un polígonu formáu por cuatro llaos, paralelos dos a dos.

Les sos propiedaes son:

1. En tou paralelogramu los llaos opuestos son iguales.
2. En tou paralelogramu los ángulos opuestos son iguales.
3. Cada diagonal dixebra a un paralelogramu en dos triángulos congruentes.
4. Les diagonales d'un paralelogramu córtense nel so puntu mediu.
5. 2 ángulos contiguos d'un paralelogramu son suplementarios.

Tribes de paralelogramos

Los paralelogramos clasifíquense según los sos ángulos en paralelogramos rectángulos y paralelogramos non rectángulos. Les clases de paralelogramos tienen les siguientes carauterístiques:

• Paralelogramos rectángulos, los sos ángulos son toos ángulo reutos: el cuadráu (tolos sos llaos son iguales), y el rectángulu (iguales los llaos opuestos).

• Paralelogramos non rectángulos, cuyos ángulos son dos d'ellos agudos, y los otros dos obtusos: el rombu (los cuatro llaos iguales), y el romboide (llaos opuestos iguales).

Esiste una llei nomada llei del paralelogramu, definía pola siguiente fórmula (casu diagonales iguales):

$(AB)(CD)+(BC)(AD)\,=\,(AC)(BD)$

au A, B, C, y D son los vértices consecutivos del paralelogramu (nesi orde).