Palaciu de Campusagráu (Avilés)

De Wikipedia
Saltar a navegación Saltar a la gueta
Palaciu de Campusagráu (Avilés)
Palacio de Camposagrado.JPG
Llocalización
PaísBandera d'España España
AutonomíaFlag of Asturias.svg Principáu d'Asturies
ProvinciaProvincia d'Asturies
ConceyuAviles flag.svg Avilés
Coordenaes 43°34′N 5°55′W / 43.56°N 5.92°W / 43.56; -5.92Coordenaes: 43°34′N 5°55′W / 43.56°N 5.92°W / 43.56; -5.92
Palaciu de Campusagráu (Avilés) is located in Asturies
Palaciu de Campusagráu (Avilés)
Palaciu de Campusagráu (Avilés)
Palaciu de Campusagráu (Avilés) (Asturies)
Cambiar los datos en Wikidata

El Palaciu de Campusagráu, ye un edificiu palaciegu d'estilu góticu tardíu asitiáu na villa asturiana d'Avilés.

Les sos dos fachaes principales foron construyíes nel sieglu XVII, la que da al actual parque del muelle si bien cuando foi construyida daba direutamente a la ría y la que da a la plaza de Campusagráu.

La parte que daba a la ría fusionose na so creación cola muralla defensiva de la ciudá por mor de que daba direutamente a la ría, esto-y da'l carauter arquiteutónicu de defensivu. Tien trés pisos, l'inferior zarráu con unes pequeñes saeteres, la intermedia con amplies galeríes con diez arcos escarzanos apoyaos en columnes toscanes enllazaes por antepechu de piedra. El tercer pisu ye un añedíu efeutuáu nuna reforma posterior que se cree foi fecha nel sieglu XIX.

La parte que da a la plaza de Campusagráu seique foi diseñada por Francisco Menéndez Camina, arquiteutu avilesín, ente 1693 y 1696. Ye d'estilu barrocu con profusa decoración rescamplando les dos torres con una altura más que'l restu de la edificación y l'escudu d'armes de la familia sobre'l balcón central.

Del interior namás que rescampla la monumental escalera de piedra, yá que l'edificiu foi remocicáu p'agospiar viviendes nos pisos cimeros y tiendes nos baxos colo que desapaecieron tolos elementos interiores,

Anguaño agospia la Escuela Superior d'Arte, dependiente de la Conseyería d'Educación y Ciencia del Principáu d'Asturies.