Ouviñana (Cuideiru)
 Ouviñana | |
|---|---|
.jpg) | |
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Cuideiru |
| Partíu xudicial | Pravia |
| Tipu d'entidá | parroquia d'Asturies |
| Xeografía | |
| Coordenaes | 43°34′20″N 6°14′13″W / 43.57218°N 6.23681°O |
  Ouviñana Ouviñana (Asturies) | |
| Superficie | 5.31 km² |
| Altitú | 106 m[1] |
| Llenda con | Soutu Lluiña |
| Demografía | |
| Población | 485 hab. (2024) |
| Porcentaxe | 9.97% de Cuideiru |
| Densidá | 91,34 hab/km² |
| Más información | |
| Estaya horaria | UTC+01:00 |
 | |
Ouviñana[2] ye una parroquia del conceyu asturianu de Cuideiru. Dixebrada en 1944 de la de Soutu Lluiña, comprende'l tramu de costa y tierra qu'arrodia'l Cabu Vidíu (dende l'estremu oriental de la sablera de La Vallina hasta l'occidental de la de San Pedru la Ribera), y tien una estensión de 5,31 km²[3]. Viven nella 485 habitantes (2024)[4].
Ouviñana ta asitiada na fastera centru-norte del conceyu de Cuideiru. Llenda al noroeste, norte y noreste col mar Cantábricu; al este, cola parroquia de Samartín de Lluiña; y al sur y suroeste, cola de Soutu Lluiña.
Tocántenes al nome de los nucleos de población, a los vecinos gústa-yos dicir que viven n'Ouviñana, magar que nel nomenclator oficial apaecen nél namái que los nomes de los barrios: Rieguabaxu, Rieguarriba (ú s'alluga la ilesia parroquial de San Roque) y Vivíu.
Ún de los símbolos d'Ouviñana ye'l faru Vidíu, asitiáu sobre'l cabu homónimu, y arrodiáu de cantos d'unos 100 metros d'altura. N'Ouviñana hai bayura de riberes y sableros, ente los que destaquen: Vallina, El Sablón, El Gayu, El Gayín, Cueva, Peñadoria, Gradas, Sancidielllu, Maurieyu, Eiros, Purtiella, Puertochico o Castrillón.
Por mor de la erosión de les foles, embaxo'l faru Vidíu pue alcontrase una gran cueva conocida como la "Furna'l llau" o "La Ilesiona".
Ente los edifcios más importantes del pueblu tán la ilesia de San Roque, les escueles, la cofradía de pescadores, la capiella de Vivíu, o los molinos xunto al regatu que desemboca na sablera de Vallina. Tamién hai delles cases típiques d'esta fastera occidental asturiana, conocíes col nome de "mariñanas".
El segundu domingu de xunetu celébrase la Jira, nos tarrenos a la veriquina'l faru Vidíu. El 15, 16 y 17 d'agostu son les fiestes patronales de San Roque. Tamién hai otres fiestes menores como l'antroxu o San Xuan.
La Cofradía de Pescadores "S. Roque" atropa a los pescadores profesionales d'Ouviñana.
Llocalidaes
[editar | editar la fonte]| Nᵘ | Nome
|
Población | % población Ouviñana (Cuideiru) |
|---|---|---|---|
| 1 | Rieguabaxu
|
233 | 48,0448,04%
|
| 2 | Rieguarriba
|
196 | 40,4140,41% |
| 3 | Vivíu
|
84 | 17,3217,32% |
Referencies
[editar | editar la fonte]- ↑ Afirmao en: Q107986385. Editorial: Institutu Xeográficu Nacional d'España.
- ↑ «Nomes de conceyos, parroquies, pueblos y llugares del Principáu d'Asturies» (asturianu) páx. 75. Uviéu: Academia de la Llingua Asturiana (14 d'abril de 2000).
- ↑ Ajuste del mapa de parroquias. Mapa de entidades colectivas de población. Uviéu, SADEI, 2012. Actualizáu'l 1 de febreru de 2024.
- ↑ Nomenclátor del INE: Población del padrón continuo por unidad poblacional. (Institutu Nacional d'Estadística).
Enllaces esternos
[editar | editar la fonte]
Wikimedia Commons acueye conteníu multimedia sobre Ouviñana.
 |
Parroquies de Cuideiru |  |
|---|---|---|
| Cuideiru | Faéu | Nuviana | Ouviñana | Piñera | Samartín de Lluiña | San Xuan de Piñera | Soutu Lluiña | Vaḷḷouta | ||
Datos: Q3751178- Multimedia: Ouviñana, Cudillero