Otaku

De Uiquipedia
Saltar a: navegación, buscar

Un otaku (おたく) ye conocíu fuera de Xapón como un fanáticu con gustu abondo marcáu por anime o manga. Nel so país d'orixe, el significáu ye más averáu a la definición de friki, una persona que se repliega sobre sí mesma y vive únicamente pa una afición, como los ordenadores, una cantante, automóviles o modelos a escala. Esti términu xaponés pasó a Occidente col significáu d'"aficionáu al manga". En Xapón el términu xeneralmente ye despeutivu, anque recientemente, de la mesma manera que geek, dellos xaponeses lu empleguen con arguyu. N'Occidente pue tener tantu connotaciones negatives como positives, dependiendo de la comunidá n'onde s'utilice.

La pallabra otaku remanez del xaponés お (o, una partícula honorífica) + 宅 (taku, casa). Emplegóse nos años 1980 como un pronome de segunda persona ente los fotógrafos aficionaos, anque según el término se foi espardiendo pasó a ser emplegáu por otros pa referise a los fotógrafos aficionaos. Como los fotógrafos yeren vistos como socialmente torpes, reclusivos y obsesionaos cola so afición, otaku foi adoutando eses connotaciones negatives y pasó a referise a cualaquier aficionáu reclusivu ya obsesivu. En Xapón y n'ocasiones n'occidente, l'estereotipu otaku suel ser asemeyáu al friki, nerd o geek. Un estereotipu común otaku ye'l del home xoven que vive en casa ensin trabayu y tien pocos contautos sociales fuera del so círculu d'amigos otaku. Anguaño, pa destremar esti significáu modernu del anterior, tola pallabra s'escribe n'hiragana (おたく) o katakana (オタク).