Orde de la Revolución d'Ochobre
.jpg)
La Orde de la Revolución d'Ochobre foi instituyida'l 31 d'ochobre de 1967, con ocasión del 50º aniversariu de la Revolución d'Ochobre. Yera apurrida a individuos o grupu de persones pola promoción del socialismu o por servicios o defensa del estáu soviéticu. Yera la segunda n'importancia, dempués de la Orde de Lenin.
La orde consistía nuna insinia d'una estrella colorada, con rayos doraos ente los sos brazos. Al centru apaecía un pentágonu con una imaxe del Cruceru Aurora, que participó mientres la Revolución rusa. Enriba apaecía una bandera colorada coles pallabres «Revolución d'Ochobre» en rusu, ente que embaxo apaecía un focete y un martiellu. La insinia tenía de ser llevada nel llau esquierdu del pechu, con una cinta colorada con cinco rayes azules nel centru.
El cruceru Aurora foi condecoráu cola Orde de la Revolución d'Ochobre, y ye l'únicu buque que recibió una condecoración.
