Orde Masónica Mesta Internacional Le Droit Humain - El Derechu Humanu

De Wikipedia
Saltar a navegación Saltar a la gueta
Logo de la Orde Masónica Mesta Internacional Le Droit Humain
Logo de la Orde Masónica Mesta Internacional Le Droit Humain

La Orde Masónica Mesta Internacional Le Droit Humain - El Derechu Humanu ye una organización masónica mesta creada a finales del sieglu XIX en Francia por María Deraismes y George Martin.

Le Droit Humain ye la primer obediencia (organización masónica) mesta del mundu.

Carauterístiques y principios[editar | editar la fonte]

Sede de la Orde Masónica Mesta Internacional Le Droit Humain en París.
Sede de la Orde Masónica Mesta Internacional Le Droit Humain en París.
Mandil masónicu del Ritu Escocés Antiguu y Aceptáu
Mandil masónicu del Ritu Escocés Antiguu y Aceptáu

La Orde Masónica Mesta Internacional Le Droit Humain - El Derechu Humanu ye una organización mesta dende'l so orixe, esto ye, qu'almite tantu a homes como a muyeres nel so senu n'igualdá de condiciones.

Practica principalmente'l Ritu Escocés Antiguu y Aceptáu integrando los 33 graos del mesmu dientro de la mesma orde, a diferencia d'otres Grandes Loxas o Grandes Orientes que solo practiquen los trés primeros graos del ritu dexando los graos del 4º al 33º so la xurisdicción d'organizaciones independientes de normal denominaes Supremos Conseyos.

En 2012 aprobóse la versión más actualizada de la Constitución Internacional de la Orde que recueye los principios fundamentales de la mesma:[1]

Los Francmasonos de los dos hemisferios pertenecientes a la Orde Masónica Mesta Internacional Le Droit Humain, axuntaos en Conventu Internacional nel Cenit de París, n'homenaxe de fidelidá y reconocencia, asitien los sos trabayos so la égida de los sos veneraos fundadores: María Deraismes (la primer muyer en ser empecipiada 14 de xineru de 1882) y Georges Martin.

Colos sos pernomaos predecesores y siguiendo el so exemplu, fraternalmente xuníos nel amor escontra la Humanidá, los Francmasonos de Le Droit Humain deseyen cumplir íntegramente, nel senu de la Masonería y nel mundu profanu, la triple divisa: LLIBERTÁ, IGUALDÁ, FRATERNIDÁ.

Persuadíos de que'l métodu de trabayu masónicu representa unu de los meyores preseos de perfeccionamiento humanu, deseyen prosiguir la so aición sentando les bases d'una amplia constitución masónica internacional. Esta fixa los deberes y los derechos de toos y de cada unu, asegurando asina'l máximu de llibertá compatible con una disciplina voluntariamente aceptada.

La Orde Masónica Mesta Internacional Le Droit Humain afirma la igualdá del Home y de la Muyer.

Al proclamar el Derechu Humanu, la Orde aspira a qu'home y muyeres puedan llograr, en planu d'igualdá, la xusticia social en tola tierra nuna humanidá fraternalmente entamada.

Le Droit Humain ta compuesta por francmasonos, homes y muyeres xuníos fraternalmente , ensin distinción por razones sociales, étniques, filosófiques o relixoses, la Orde utiliza, pa llegar a esti fin, un métodu ritual y simbólico, gracies al cual los sos miembros edifiquen un Templu al progresu y al perfeccionamiento de la humanidá.

Fieles de primeres de llaicidá, respetuosos de l'absoluta llibertá de conciencia de cada unu, los miembros de la Orde trabayen pa exercitar los principios de llibertá, igualdá y fraternidá y pa llograr pa tolos seres humanos el más altu desenvolvimientu moral, intelectual y espiritual, condición básica de la felicidá que-y ye posible consiguir a cada persona nuna Humanidá fraternalmente entamada .

Hestoria de la orde n'España[editar | editar la fonte]

En 1928 naz la Federación Española con loxas en Madrid, Barcelona, Almería, Murcia y Bilbao. En 1936 partió al esiliu de resultes del entamu de la Guerra Civil y l'entamu de la persecución contra'l masones. En 1976, tres la muerte del Xeneral Franco, la orde recupera la so presencia n'España cola creación de la loxa “La Lluz vuelve” en Fuenterrabía. En 1982 refúndase la Federación Española per parte de les loxas “Ferrer i Guardia” de Barcelona, “L'Alba de Llevante” de Valencia y “Llibertá” de Madrid.

Referencies[editar | editar la fonte]

Bibliografía[editar | editar la fonte]

  • Pepe Rodríguez (2006). Masonería al descubiertu. Temes de Güei.

Enllaces esternos[editar | editar la fonte]


Orden Masónica Mixta Internacional Le Droit Humain - El Derecho Humano