Observatoriu Astrofísicu de Şamaxı

Observatoriu Astrofísicu de Şamaxı
	observatoriu astronómicu y instalación
Llocalización
Asentamientu humanu	[[d:Special:EntityPage/Q4363337\|10px
Direición	Azerbaixán
Coordenaes	40°46′55″N 48°35′48″E / 40.7819°N 48.5967°E
	Observatoriu Astrofísicu de Şamaxı Observatoriu Astrofísicu de Şamaxı (Azerbaixán)
Historia
Fundación	1960
Orixe del nome	Nasir al-Din al-Tusi
	Web oficial

L'Observatoriu Astrofísicu de Şamaxı, nomáu en memoria de Nasīr al-Dīn al-Tūsī (azerbaixanu: Nəsirəddin Tusi adına Şamaxı Astrofizika Rəsədxanası) ye un observatoriu astronómicu en Şamaxı, nel sureste del Gran Cáucasu. Ye la base del sector de “Astrofísica” de la Institución de Físiques de l'Academia Nacional de Ciencies d'Azerbaixán, y ta asitiáu aproximao a 22 km del centru de Şamaxı y a 144 km de Bakú, a una altitú de 1435 m.^[1]

Historia[editar | editar la fonte]

La construcción del observatoriu empezó en 1958 ya inauguróse oficialmente'l 13 de xineru de 1960.^[2] El científicu azerbaixanu Yusif Mammadaliyev tuvo un gran papel na fundación del observatoriu.

Mientres el periodu soviéticu, l'observatoriu midió la polarización electromagnética del Cometa d'Arrest. Nel añu 1991, l'observatoriu recibió'l so nome actual n'honor de Nasīr al-Dīn al-Tūsī, un matemáticu, físicu y astrónomu de la edá media. En setiembre del añu 2008 anováronse l'observatoriu, la sala d'esposición, el muséu, les sales de conferencia, seis edificios para telescopios y l'edificiu alministrativu principal.^[3]^[4]

Telescopios[editar | editar la fonte]

El preséu principal – el telescopiu refractor producíu n'Alemaña, con un espeyu de 2 metros de diámetru, foi'l primera gran telescopiu de la Trescaucasia. Tamién cunta colos siguientes preseos:

Telescopiu solar horizontal con un espeyu principal de 50 cm de diámetru, para investigaciones espectrales d'atmósfera solar;
Telescopiu AFR-2 con dimensiones de 20/13 cm;
Telescopiu AZT-8 con un espeyu de 70 cm de diámetru;
Telescopiu de la compañía Carl Zeiss, con un espeyu de 60 cm de diámetru;
Telescopiu de Maksútov, con 35 cm de diámetru.

Nel añu 2013 añadióse al observatoriu'l telescopiu AZT-15 Schmidt.