Observatoriu Astrofísicu Smithsonianu

Observatoriu Astrofísicu Smithsonianu
	observatoriu astronómicu y institutu d'investigación
Llocalización
País	Estaos Xuníos
Estaos	Massachusetts
Condáu	condáu de Middlesex
Ciudá	Cambridge
Coordenaes	42°22′53″N 71°07′42″W / 42.38146°N 71.12837°O
	Observatoriu Astrofísicu Smithsonianu Observatoriu Astrofísicu Smithsonianu (los EE.XX.)
Historia y usu
Apertura	1890
Direición	Charles R. Alcock (es)
Instalaciones
Formáu por	Observatorio Fred Lawrence Whipple (es) , Smithsonian Astrophysical Observatory Satellite Tracking Program (en) , Prairie Meteorite Network (en) y Telescopio de Groenlandia (es)
	Web oficial

L'Observatoriu Astrofísicu Smithsonianu (SAO, según les sos sigles n'inglés) ye una institución d'investigación del institutu smithsonianu que tien la so sede en Cambridge, Massachusetts. Trabaya xunto al observatoriu Harvard College (HCO), formando'l centru d'astrofísica Harvard-Smithsonian (CfA).

Historia[editar | editar la fonte]

L'Observatoriu Astrofísicu Smithsonianu fundóse en 1890 Samuel Pierpont Langley, un altu cargu del Institutu Smithsonianu, pa estudiar la naturaleza solar. Anque Langley se recuerda como un pioneru nel campu de l'aeronáutica, estudió astronomía y foi'l primer norteamericanu n'entender l'astrofísica como un campu estremo.

En 1955, l'Observatoriu Astrofísicu Smithsonianu treslladóse a Cambridge dende Washington, D.C. pa xunise al Harvard College Observatory y asina espandir el so personal, instalaciones y algame científicu. Fred Whipple, el primer direutor del observatoriu tres la so coalición, empecipió l'establecimientu d'una rede mundial de siguimientu de satélites, lo qu'asitió al observatoriu a la cabeza de la investigación científica espacial.

Na actualidá[editar | editar la fonte]

Na actualidá, esisten más de 300 científicos del CfA que se dediquen a un ampliu programa d'investigación n'astronomía, astrofísica, ciencies terrestres y del espaciu, y la educación científica.

Los esfuercios pioneros de SAO nel desenvolvimientu d'observatorios orbitales y los grandes telescopios con base na tierra, l'aplicación de los ordenadores a los problemes astrofísicos, y l'integración de les midíes de llaboratoriu, l'astrofísica teórica y observaciones de tol espectru electromagnéticu, contribuyeron enforma a la nuesa comprensión actual del universu.

L'observatoriu Chandra de rayos X ye alministráu y operáu por SAO de Cambridge, cola universidá d'Arizona, SAO tamién xestiona'l Observatoriu MMT.

Referencies[editar | editar la fonte]

Enllaces esternos[editar | editar la fonte]

Sitiu oficial del observatoriu