Oahu

De Wikipedia
Saltar a: navegación, buscar
Oahu.jpg
Map of Hawaii highlighting Oahu.svg

Oahu (en hawaiianu Oʻahu) ye la isla más poblada de Hawaii. La ciudá más grande ye Honolulu, la capital del estáu. Tola isla ta so l'alministración de la Ciudá y Condáu de Honolulú, anque la ciudá en sí namái ocupa una parte al sureste de la isla. Otros llugares de Oahu con sonadía internacional son: Waikiki, Pearl Harbor y Diamond Head.

Xeografía[editar | editar la fonte]

Oahu ta formada por dos volcanes, Waiʻanae y Koʻolau, con un ampliu valle ente ellos. L'altitú máxima  dase nel Mount Kaʻnala de Waiʻanae con 1.225 m sobre'l nivel del mar. con una superficie total de 1.545,3 km² ye la tercer isla más grande del Archipiélagu de Hawaii.

Nel censu de 2000 la población total yera de 876.156 habitantes, un 75% aprosimao del total del estáu. La Ciudá y Condáu de Honolulu alministra, amás del conceyu, tola isla de Oahu y les Islles de Sotaventu, sacante'l atolón Midway.

Hestoria[editar | editar la fonte]

Oahu foi la primera de les islles Hawaii qu'afayó l'inglés James Cook el 18 de xineru de 1778, mientres el so tercer viaxe al Pacíficu. Dirixíase dende les islles de la Sociedá escontra'l norte per una ruta supuestamente similar a la que siguieren les antigües migraciones polinesies. Dempués d'esquizar tol Pacíficu Sur quedóse sosprendíu d'atopar unes islles altes nel mediu del Pacíficu Norte, cola mesma cultura que s'estendía hasta Nueva Zelanda y l'isla de Pascua.

El rei Kamehameha III treslladó la so capital de Maui a Oahu en 1845. Palaciu 'Iolani ye una amuesa de la presencia de la monarquía.

Anguaño, Oahu ye un destín turísticu internacional con más de cinco millones de visitantes  cada añu, principalmente de los Estaos Xuníos continentales y de Xapón. Ensame de películes y series de televisión filmáronse na isla, por casu Magnum P.I., Hawaii Five-O o Lost. Tamién ye la isla protagonista del videoxuegu Test Drive Unlimited.Y la película Los descendientes.

Waikiki.
Diamond Head.

Llugares d'interés[editar | editar la fonte]

  • Honolulu, ye la capital del estáu. Alluga'l Bishop Museum, el más importante de cultura polinesia; el Honolulu Academy of Arts, un muséu d'arte con una importante colección d'arte asiático; Lyon Arboretum, un xardín botánicu tropical.
  • Waikiki ye'l gran centru turísticu de Hawaii, asitiáu na mariña sur de Oahu, que concentra'l 90% de los hoteles. La sablera de Waikiki, una de les más famoses del mundu, ufierta sol, sablera y surf. Nel sieglu XIX yá yera un llugar de descansu de la familia real hawaiiana. El nome hawaiianu Waikīkī significa 'agua drenada' yá que antes taba arrodiada de güelgues.
  • Pearl Harbor ye una badea asitiada al oeste de Honolulú. La mayor parte del puertu y la contorna de la badea son una base naval norteamericana, el cuartel xeneral de la flota del Pacíficu. Foi l'ataque a Pearl Harbor, el 7 d'avientu de 1941, el que provocó la entrada de los Estaos Xuníos na II Guerra Mundial. Los restos del USS Arizona y el USS Missouri son monumentos conmemorativos de la guerra.
  • Diamond Head (en hawaiianu Lē'ahi) ye un conu volcánicu, asitiáu al este de Waikiki, qu'amuesa una vista panorámica que se convirtió nun símbolu turísticu. El nome #dar navegantes ingleses del sieglu XIX que confundieron los cristales de calcita encuallaos na roca con diamantes. Ta declaráu como State Monument.