Ny-Ålesund

Ny-Ålesund
Alministración
País	Noruega
Archipiélagu	Svalbard
Tipu d'entidá	villa
Xeografía
Coordenaes	78°55′00″N 11°56′00″E / 78.916666666667°N 11.933333333333°E
	Ny-Ålesund Ny-Ålesund (Svalbard)
Altitú	18 m
Demografía
Población	35 hab.
Porcentaxe	1.31% de Svalbard; 0% de Noruega
Más información
Fundación	1916
Estaya horaria	Hora central europea

Ny-Ålesund o Nueva Ålesund ye una localidá que sirve de base d'investigación científica na Tierra de Oscar II, na islla de Spitsbergen, nel archipiélagu de Svalbard. Ye propiedá de la empresa estatal Kings Bay y pertenez a Noruega dende agostu de 1925.

Tien la particularidá de ser l'asentamientu civil más septentrional del mundu.

La distancia entre Ny-Ålesund y el polu norte ye de solu 1231 km.

Xeografía[editar | editar la fonte]

El pueblu cunta con una población d'ente 30 y 35 habitantes. Pel branu ye poblada por hasta 120 persones, por cuenta de la actividá turística.

Munchos de los sos moradores trabayen n'estaciones d'investigación científica como'l "Proyectu Global Atmosphere Watch" pertenecientes a dellos países.

Historia[editar | editar la fonte]

Ny-Ålesund fundóse en 1916 pola compañía carbonera noruega Kings Bay Kull Compani AS (KBKC) pa esplotar les mines de carbón. Nesa dómina yera inda "tierra de naide", usada por esploradores y balleneros de diversos países.

En 1925 roblóse'l Tratáu de Svalbard qu'axudicaba la soberanía de too l'archipiélagu a Noruega, pero nun foi hasta'l 14 d'agostu de 1925 en que la soberanía fíxose efectiva. En 1929 púnxose fin a les actividaes mineres.

Nel mesmu añu, la compañía minera decidió poner en Ny-Ålesund una base de avituallamiento y estación pesquera pa los cientos de barcos que pescaben nes agües alredor del archipiélagu.

En 1941 l'actividá minera restablecióse, pero por cuenta de la Segunda Guerra Mundial desocupóse l'asentamientu y destruyéronse les entraes a les mines.

Dempués de la guerra, en 1945 abrieron de nuevu les mines, pa cerrales definitivamente en 1962 tres diversos accidentes y esplosiones que costaron la vida a munchos mineros.

En 1964 Noruega robló un alcuerdu cola "Organización Europea para la Investigación Espacial" pa establecer una estación de telemetria de satélites.

En Ny-Ålesund ta prohibíu l'usu de cualquier dispositivu inalámbricu que funcione nel rangu de 2.1 a 2.5GHz, lo qu'inclúi les conexones WiFi, Bluetooth y telefonía móvil ^[1]^[2]

Esto foi l'empiezu de les actividaes científiques qu'anguaño desenvuelvese en Ny-Ålesund.

Turismu[editar | editar la fonte]

Ny-Ålesund ye parada obligatoria de los cruceros que lleguen a estes llatitúes. Hai vuelos dos vegaes per selmana, dende Longyearbyen. dispon d'un hotel llamáu North Pole Hotel. Una de les atracciones turístiques ye la oficina de correos, la más septentrional d'Europa, además de un pequeñu muséu de la minería del carbón.

Oficina de correos de Ny-Ålesund.
Entornu de Ny-Ålesund.
Paisaxe de Ny-Ålesund.
Nordpol Hotellet.

Referencies[editar | editar la fonte]

Enllaces esternos[editar | editar la fonte]

[1] Información sobro Ny-Ålesund (n'inglés)

[2] L'aire mas llimpiu del mundu (castellán)

[1]

[2]