Nacho Guirado Blas

De Wikipedia
Saltar a navegación Saltar a la gueta
Nacho Guirado Blas
NachoG3.jpg
Vida
Nacimientu

Uviéu1973

(45/46 años)
Nacionalidá Bandera d'España España
Oficiu
Oficiu escritor
Cambiar los datos en Wikidata

Nacho Guirado Blas (Uviéu, 1973) ye un escritor asturianu.

Biografía[editar | editar la fonte]

Caltien un gran venceyu col conceyu de Siero, desque a los sos 25 años sale del so Uviéu natal para morar nesti conceyu asturianu, y exercer el so llabor profesional como fisioterapeuta y osteópata en La Pola Siero. Esta actividá sigue, anque apocayá treslladara'l so llugar de residencia al vecín conceyu de Sariegu.

Trayeutoria lliteraria[editar | editar la fonte]

L'Asociación Cultural Clarín, de Quintes, ye quien-y da'l primer emburrión dientro del mundu lliterariu nel 2003 concediéndo-y el segundu premiu nel so concursu de relatos, por L'abilsu de la cama.

Y a partir d'entós nun cesen los galardones, reconociendo y afitando asina una prometedora carrera lliteraria, siendo na actualidá, un de los escritores asturianos con mayor proyeición nacional.

La so novela El beso que no di resulta finalista del Premiu de Novela Curtia Cristóbal Zaragoza, y llogra tamién el segundu premiu nel Certame de Novela Curtia Ciudá de Dueñes (Palencia) por Antes de las doce.

En 2005 gana'l primer premiu nel Certame Internacional Alfonso Grosso de Sevilla con Retratos de familia, según el Premiu de Narrativa de la Diputación de Guadalaxara pola so novela No siempre ganan los buenos.

Amás, publica dos noveles negres que son, Muérete en mis ojos, que la so trama trescurre nel conceyu de Siero, y ye escoyida como Novela “Talento Fnac”, y No llegaré vivo al viernes.

Ye en 2009 cuando publica La lista de los catorce, inspirada na hestoria real del so güelu Ignacio Blas Notariu, militante socialista y secretariu xeneral de la UXT en Yunquera de Henares (Guadalaxara), y cola que pretende rindir homenaxe a tolos homes y muyeres que carecieron la durez de la posguerra y nun tuvieron una segunda oportunidá. #Basar en fechos acaecíos en Siero, na parroquia de Carbayín, en redol al pozu Mosquitera.

En 2015 publica Lo que sé del amor, que llogra'l Premiu Asturies de Novela concedíu pola Fundación Dolores Mediu. En pallabres del xuráu la so orixinalidá al emplegar una técnica que recuerda a Cinco horas con Mario, según l'amiestu d'escritura y crítica lliteraria, fáen-y merecedor de tal galardón.

N'abril de 2016 presentó al so públicu llector Ladrones de estiércol, la so primer incursión nel xéneru del humor.

Obra[editar | editar la fonte]

  • Antes de las doce, Ediciones Simancas, Palencia, 2005.
  • Retratos de familia, Conceyu de Sevilla, Sevilla, 2006.
  • No siempres ganan los buenos, Ediciones B, Barcelona, 2006.
  • Muérete en mis ojos, Ediciones B, Barcelona, 2007.
  • No llegaré vivo al viernes, Ediciones B, Barcelona, 2008.
  • La lista de los catorce, Martínez Roca, Madrid, 2009.
  • Lo que sé del amor, KRK, Uviéu, 2015.
  • Ladrones de estiércol, Milwaukee, Torrelodones, Madrid, 2016.

Referencies[editar | editar la fonte]

Enllaces esternos[editar | editar la fonte]