Na puerta del xardín. La esposa del artista

Na puerta del xardín. La esposa del artista
I havedøren. Kunstnerens hustru
Tipos	pintura
Artista	Laurits Andersen Ring
Añu	1897
Xéneru	semeya
Material	pintura al oleu y Llenzu
Dimensiones	191 () × 144 () cm ;
Coleición	Statens Museum for Kunst (Copenḥague)
Catalogación
Códigu muséu	KMS3716
Catálogu	Fortegnelse over Malerier og Studier af L. A. Ring i Aarene 1880-1910 (en) :(355); Mesterverk fra Statens Museum for Kunst besøker Nasjonalgalleriet (en) :(14)

Na puerta del xardín. La esposa del artista ye una pintura al oleu realizada por Laurits Andersen Ring en 1897. Tratarse d'una semeya de la so esposa Sigrid Kähler (1874-1923), con quien se casara en 1896. La pintura, de 191 × 144 cm, ye propiedá de la Galería Nacional de Dinamarca.^[1]

Descripción

Esti cuadru de Ring suxer la fraxilidá humana al amosar el talle embarazáu de Sigrid en contraste cola vexetación y estructura de les cañes del árbol casi muertu que centra la composición al fondu. Tou ello haise interpretáu como una llamada del pintor en «alcordanza de la fraxilidá que tamién inclúi la vida emerxente percibida pol home y la naturaleza». Los contrastes ente colores fríos y templaos contribúin a la sensación d'espaciu. Nel primer planu, a la izquierda, atópense los colores calientes, el naranxa y el mariellu, de la cortina y el vistíu de la esposa, ente que los colores más fríos, verdes y azules, amuésense no fondero de la imaxe.

El pintor tenía 42 años cuando pintó la semeya, y la so esposa tan solo 22. #Los historiadores d'arte nesti contestu, interpretaron la pintura como una carta d'amor a la muyer embarazada, que la asitia nel viaxe en busca de la primavera en flor que simboliza l'amor.^[2]

Estilu

Ring ta consideráu como un pioneru na pintura danesa del simbolismu y les sos obres dientro del realismu social. Nos últimos años foi aceptáu na investigación histórica del so arte, qu'estos dos aspeutos del so trabayu son igualmente importantes y compleméntense ente sigo. Tamién se señaló qu'En la puerta del xardín representa una visión alternativa de les muyeres nel romanticismu, idealizadora de la figura femenina.^[3]

Europeana 280

N'abril de 2016, la pintura Na puerta del xardín. La esposa del artista foi escoyida como una de les diez obres artístiques más importantes de Dinamarca pol #proyeutu Europeana.^[4]

Referencies

↑ Europeana.eu (ed.): «At the French Windows. The Artist's Wife L. A. Ring». Consultáu'l 10 de mayu de 2016.
↑ SMK (ed.): «Laurits Andersen Ring (1854-1933), I havedenen. Kunstnerens hustru, 1897».
↑ SMK (ed.): «Laurits Andersen Ring (1854-1933),The Artist's Wife, 1897». Archiváu dende l'orixinal, el 2016-04-08.
↑ «Choosing a country's artworks for Europeana 280: Denmark» (inglés). Consultáu'l 10 de mayu de 2016.

[1] Europeana.eu (ed.): «At the French Windows. The Artist's Wife L. A. Ring». Consultáu'l 10 de mayu de 2016.

[2] SMK (ed.): «Laurits Andersen Ring (1854-1933), I havedenen. Kunstnerens hustru, 1897».

[3] SMK (ed.): «Laurits Andersen Ring (1854-1933),The Artist's Wife, 1897». Archiváu dende l'orixinal, el 2016-04-08.

[4] «Choosing a country's artworks for Europeana 280: Denmark» (inglés). Consultáu'l 10 de mayu de 2016.

[1]

[2]

[3]

[4]